web counter
LEXO PA REKLAMA!

SHKARKO APP

App Store
Google Play

E fundit!

x

Strategjia “qorre” e Bashës/ Bllokon ngritjen e KLP dhe KLGJ

10 Qershor 2018, 10:14, Aktualitet CNA

Këshillit i Lartë i Prokurorisë dhe Këshilli i Lartë Gjyqësor janë tashmë në pikëpyetje të plotë, pas braktisjes së Parlamentit nga opozita.

Kujtojmë këtu se në janar të vitit 2017, Partia Demokratike iu drejtua Gjykatës Kushtetuese, ku kërkoi që të rrëzohej ligji për organet e reja në sistemin e drejtësisë, KLP dhe KLGJ.

Tashmë dhe pse ka kaluar një vit gjithçka vijon të jetë e bllokuar, për faktin se deri më sot nuk është ndërmarrë asnjë hap nga palët politike.

Mbledhja e fundit e Këshillit të Legjislacionit ku është diskutuar për ndryshimin e neneve që kanë të bëjnë me organet e reja të drejtësisë ka qenë data 13 shkurt 2018.

Duke qenë se ekspertët patën mendime të ndryshme në lidhje me ndryshimin e nenit 61 dhe 159, dhe se miratimi i këtyre neneve kërkon konsensus pasi nevojiten 84 vota për t?i miratuar, kryetari i Këshillit të Legjislacionit, Enkelejd Alibeaj u la ekspertëve 10 ditë kohë që të konsultoheshin me njëri-tjetrin dhe të dilnin në një konkluzion të përbashkët.

Por pavarësisht këtij fakti, Këshilli i Legjislacionit edhe pse zhvilloi dy mbledhje të tjera pas kësaj date, nuk u mblodh asnjëherë për çështjen e ndryshimit të neneve që kanë të bëjnë me funksionimin e KLGJ dhe KLP.





Lajmet e fundit nga