web counter
LEXO PA REKLAMA!

SHKARKO APP

App Store
Google Play

E fundit!

x

A është "Xhafaj" një nga familjet mafioze?

9 Maj 2018, 10:11, Aktualitet CNA

Në një deklaratë për mediat, deputetët e Partisë Demokratike, Enkelejd Alibeaj dhe Gazmend Bardhi kanë publikuar dosjen e vëllait të ministrit të Brendshëm, Fatmir Xhafaj.

Në deklaratën e tyre, deputetët demokratë mes të tjerash theksuan se Agron Xhafaj është dënuar në Itali me vendim të formës së prerë. Sipas tyre në shtator të vitit 2012, Gjykata e Kasacionit në Itali ka lënë në fuqi dënimin me 7 vite e dy muaj burg për vëllain e ministrit Xhafaj.

Sipas deputetit të PD-së, Enkelejd Alibeaj, Fatmir Xhafaj i ka siguruar paprekshmërinë vëllait të tij, edhe pse është dënuar në Itali me vendim të formës së prerë.

Nisur nga këto fakte, deputeti demokrat Enkelejd Alibeaj, i ka drejtuar disa pyetje ministrit të Brendshëm, Fatmir Xhafaj:

“1. A e ka përfshirë Fatmir Xhafaj vëllain e tij Agron Xhafaj në listën e personave me rekorde kriminale?

2. Pse ai jeton i lirë në territorin shqiptar, ndërkohë që rezulton i dënuar për trafik droge në Itali dhe nuk ka vuajtur asnjë ditë të dënimit të tij?

3. A është ai person i skeduar dhe nën vëzhgim nga Policia e Shtetit për shkak të aktivitetit të tij të mëparshëm në trafikun e drogës?

4. A është familja ?Xhafaj? një nga familjet mafioze që veprojnë në territorin e Republikës së Shqipërisë?

5. A ka operacioni ?Forca e Ligjit? efekt mbi vëllain e Ministrit të Brendshëm Agron Xhafaj të dënuar për trafik droge, apo ai është i paprekshëm sa kohë Ministër i Brendshëm dhe drejtues i operacionit është Fatmir Xhafaj?

6. Pse nuk ka përmbushur përgjegjësitë e tij ligjore Ministri i Brendshëm, për të kërkuar identifikimin e këtij shtetasi dhe për të verifikuar nëse është apo jo i dënuar?

7. Pse nuk ka kërkuar nisjen e procedurave për arrestimin dhe më pas ekstradimin e tij në Itali, siç ka vepruar për shtetas të tjerë?”-u shpreh Alibeaj./ CNA.al





Lajmet e fundit nga