web counter
LEXO PA REKLAMA!

SHKARKO APP

App Store
Google Play

Saimir Tahiri “merr pas vetes” Fatmir Xhafajn/ A do të nisë hetimet Hajdarmataj?

9 Maj 2018, 12:17, Aktualitet CNA

Deputetët e Partisë Demokratike, Enkelejd Alibeaj dhe Gazmend Bardhi në një dalje për mediat rreth mesditës së sotme, kanë publikuar dokumentet të cilat tregojnë vendimin për dënimin në Itali me 7 vite dhe dy muaj burg të Agron Xhafaj, vëllai i ministrit të Brendshëm Fatmir Xhafaj.

Deputetët demokratë, krahas publikimit të dokumenteve kanë hedhur edhe akuza të forta në drejtim të ministrit të Brendshëm, Fatmir Xhafaj, për të cilin theksuan se i ka siguruar paprekshmëri vëllait të tij, të dënuar në Itali për trafik droge.
Nisur nga këto deklarata dhe publikimit të dokumenteve të dënimit në Itali të Agron Xhafajt, natyrshëm lind pyetja nëse Kryeprokurori i Krimeve të Rënda, Besim Hajdarmataj do të nisë hetimet ndaj ministrit të Brendshëm, Fatmir Xhafaj?

Kujtojmë këtu rastin e ish-ministrit të Brendshëm, Samir Tahiri, prokuroria për Krimet e Rënda nisi hetimet ndaj tij pas publikimit të përgjimeve italiane nga mediat.
Dhe jo vetëm kaq, nisur nga këto publikime në media që flisnin për një lidhje të tij të mundshme me grupin kriminal të Habilajve, prokuroria kërkoi autorizim nga Kuvendi për arrestimin e Tahirit.
Pa dashur në asnjë rast të bëjmë avokatin e askujt, risjellim në vëmendje se Tahiri u akuzua shpesh në media se ka bashkëpunuar me Habilajt, për të cilët thuhet se janë kushërinj të ish-ministrit, ndërsa për Xhafën flitet që mbron vëllain e tij, të dënuar për trafik droge.
Si do të veprojë Besim Hajdarmataj në këtë rast? A do të ketë një hetim për Fatmir Xhafajn?





Lajmet e fundit nga