web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i koalicionit opozitar/ Blushi: Kërcënim për zgjedhjet tërheqja nga KQZ

10 Mars 2017, 16:43, Aktualitet CNA

Lidhur me vendimin e koalicionit opozitar, kreu i LIBRA-s, Ben Blushi, shprehet se tërheqja nga regjistrimi në KQZ përbën kërcënim për zgjedhjet. Ai citon përmes një postimi se nuk ka hapësirë për marrëveshje, pasi qeveria nuk është e ndërgjegjshme për pasojat e këtij vendimi dhe komuniteti ndërkombëtar nuk do të negociojë.

?KRIZA SHQIPTARE NUK DIHET KU MBARON

Tërheqja e deritanishme e shumicës së partive opozitare nga rregjistrimi në KQZ, është kërcënimi më serioz për zgjedhjet e 18 qershorit.

Unë nuk besoj se ka hapësirë për marrveshje, pasi qeveria nuk është e ndërgjegjshme për pasojat e këtij vendimi dhe komuniteti ndërkombëtar nuk do të negociojë.

Nuk mund të them nëse po shkojnë në një skenar rumun apo maqedonas, por di të them se skenari shqiptar i krizave është zakonisht më i ashpër dhe më i rrezikshëm se kudo.

Kemi përpara të paktën katër vjet krizë të rëndë dhe të paparashkueshme. Fundi i saj nuk dihet, por një gjë dihet: më shumë shqiptarë do ikin dhe më pak shqiptarë do mbeten për ta zgjidhur në kohë. LIBRA do bëjë pjesën e vet, duke ngjitur copat që po thyejnë partitë e vjetra?, shkruan ai. /CityNews

 





Lajmet e fundit nga