web counter
LEXO PA REKLAMA!

SHKARKO APP

App Store
Google Play

Të ndalojmë lojën/Produktet e huaja mos ti shtypin kokën fermerit shqiptar

10 Mars 2017, 12:17, Aktualitet CNA

Gjatë një takimi me shoqatat e biznesit, kreu i PD, Lulzim Basha, duke premtuar 150 milionë euro investime në bujqësi, ai tha se djersa e fermerit shqiptar do të jetë e njëjta me atë të fermerit gjerman. ?Shqipëria ka ardhur koha të marrë përgjegjësitë e saj në tregun rajonal, siç është ulja e kostos së ujitjes dhe mbulimi i gjithë sipërfaqes bujqësore me rrjet elektrik, që sjell një ulje të kostos deri në 5 herë nga përdorimi i diezelit shqiptar”.

Basha deklaroi se produktet e importit do të kenë tarifa proporcionale.

“Djersa e fermerit shqiptar do të peshojë njësoj si djersa e fermerit gjerman. Këtu nuk do të ketë nevojë dhe as fajde, as ndërhyrje të klientëve të qeverisë që sjellin këto produkte për të mbushur xhepat e tyre dhe qeveritarëve të korruptuar.

Fermeri shqiptar do të jetë i pari, dhe asnjë fermer tjetër nuk do të jetë i pari për qeverinë shqiptare. Kjo është një lojë e hapur dhe ne do të përgjigjemi me të njëjtën monedhë siç përgjigjen vendet aktuale kur vjen puna për të mbrojtur prodhimet e tyre.

Duhet të ndalojmë lojën kukafshehthi se gjoja në emër të tregtisë së lirë, të lejojmë që produktet e subvencionuara të tregut evropian, të shtypim kokën dhe djersën e fermerit shqiptar. Me qeverinë e Partisë Demokratike kjo do të marrë fund, derisa fermeri shqiptar të jetë në gjendje që përmes djersës së tij, të siguroj bukën e gojës dhe dinjitetin, por edhe rritjen ekonomike. /CityNews 

 





Lajmet e fundit nga