E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia, familja. K...

“Luks 2”/ Sekuestrohen 13 makina të vjedhura jashtë shtetit

27 Nëntor 2016, 08:43, Aktualitet CNA

Policia e Shtetit ka goditur një rast të trafikimit të mjeteve. Gjatë operacionit të koduar ?Luks 2?, policia e Shtetit ka sekuestruar 13 automjete luksoze në disa qytete të Shqipërisë.

Sipas gazetës ?Sot?, mësohet se në sajë të këtij operacioni të zhvilluar në Tiranë, Vlorë, Shkodër, Malësi e Madhe, Lezhë dhe Laç është bërë e mundur që të sekuestrohen disa automjete luksoze të cilat dyshohet se janë vjedhur jashtë kufijve të Shqipërisë me qëllim shitjen në vendin tonë.

Ndërkaq policia ka bërë me dije se po ndiqen penalisht në gjendje të lirë edhe 13 persona, pasi rezultojnë pronarët që posedonin këto mjete të cilat dyshohet se janë të trafikuara. Po ashtu mësohet se janë proceduar në gjendje të lirë shtetasit A. K., banues në Malësi të Madhe, pasi disponon një automjet tip ?Volksvagen?, i cili dyshohet se është i trafikuar. Gjithashtu shtetasi me iniciale A. V., banues në Fushë Krujë, disponon një mjeti tip ?Mercedes?, i cili dyshohet se është i trafikuar. Policia ka sekuestruar automjetin tip ?BMV X5?, në pronësi të shtetasit A. G., banues në Shkodër, pasi dyshohet se mjeti është trafikuar. Sipas policisë shtetasi A. P., banues në Malësi të Madhe, disponon një mjet tip ?Toyota?, i cili dyshohet se është i trafikuar.

Po kështu shtetasi B. K., banues në Malësi të Madhe, disponon një automjet tip ?BMV X6?, i cili dyshohet se është i trafikuar. Ndërsa shtetasi B. Rr., banues në Vlorë, disponon një automjet tip ?Audi Q5?, i cili gjithashtu dyshohet se është i trafikuar. Po ndiqet penalisht edhe shtetasi E. K., banues në Malësi të Madhe, pasi disponon një automjet tip ?Benz?, i cili dyshohet se është i trafikuar. Në të njëjtën kohë ndiqet penalisht edhe shtetasi L. Rr., banues në Shkodër, pasi disponon një automjet tip ?Saab?, i cili dyshohet se është i trafikuar. Po kështu L. Z., banues në Malësi të Madhe, disponon një automjet tip ?Mercedes Benz ML?, i cili dyshohet se është i trafikuar. Sipas policisë P. G., banues në Shkodër, disponon një automjet tip ?BMV?, i cili dyshohet se është i trafikuar. T. Gj., banues në Malësi të Madhe, disponon një automjet tip ?Renault?, i cili dyshohet se është i trafikuar. Xh. Ç., banues në Malësi të Madhe, pasi disponon një automjet tip ?BMV X5?, i cili dyshohet se është i trafikuar. Sipas uniformave blu shtetasi D. D., banues në Mirditë, po ndiqet penalisht pasi disponon një automjet tip ?Mercedes Benz ML?, i cili dyshohet se është i trafikuar. Mjetet u sekuestruan në cilësinë e provës materiale. Materialet iu referuan Prokurorisë Shkodër për veprën penale ?Trafikimi i mjeteve motorike?./ Citynews