LEXO PA REKLAMA!

SHKARKO APP

Nga Kastriot Myftaraj/ Shakaja e Edi Ramës me Tepelenën- një Ministër i Brendshëm tepelenas si origjinë me letra, por tirons vendali në realitet

27 Korrik 2016, 17:03, Aktualitet CNA

Edi Rama ka një sens ironie shumë të hollë. Në ironi ai ka një performancë të jashtëzakonshme, si Agim Fagu në bërjen e koshave, në sportin e ushtruar edhe nga Rama, basketbollin. Shqipëria nuk ka pasur një Ministër të Punëve të Brendshme që të jetë tiranas autokton, vendali si i thonë, qëkurse Esat Toptani ka qenë i tillë në vitin 1914. Tepelena, përveç Gramoz Ruçit i cili ka qenë Ministër i Punëve të Brendshme për rreth tre muaj në 1991, nuk ka nxjerrë një të tillë që nga viti 1937, kur Ethem Toto mbajti për një vit portofolin e Punëve të Brendshme.
A është Saimir Tahiri i treti tepelenas që ka arritur në postin e Ministrit të Punëve të Brendshme? Kështu e dinë tepelenasit. Dhe në letër kështu është, por në realitet gjërat mund të jenë krejt ndryshe. Në realitet, Saimiri mund të jetë i pari tiranas vendali që mori këtë post pas 99 viteve qëkurse atë e kishte mbajtur Esat Toptani.
Si është e mundur kjo mund të pyesni, që të jetë një Ministër tepelenas si origjinë, me letra, por tiranas vendali në realitet? Epo kështu thoshin njerëzit edhe për stilin e paimitueshëm të bërjes së koshave nga Agim Fagu, të cilin Edi Rama përpiqet ta imitojë edhe sot në oborrin e selisë së Kryeministrisë. Gim Fagu kishte talent të veçantë për të bërë kosha të bukur në fushë dhe jashtë saj. ?Koshin? më të bukur Rama e shpërbleu me një portofol qeveritar.
Për këtë temë mund të shkruhet gjerë e gjatë, varësisht kontrollit që ushtron ?Koshi? më i bukur mbi komisariatin e bezdisshëm dixhital, jo të frikshëm, të bezdisshëm.
Eh këta tepelenasit të cilëve që nga koha e Ali Pashës së famshëm, vetëm i mashtrojnë në politikë dhe në luftë. Në Luftën e Vlorës, topin nga gryka e zuri një tepelenas, Selam Musai, por kënga u bë ?Vlora, Vlora bjeri më të lumtë dora!?

Lajmet e fundit nga