E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Policia lë pa foto të shumë kërkuarit/ I gjen më kollaj në rrjetet sociale

2 Nëntor 2015, 11:39, Aktualitet CNA

Policia e Shtetit, prej kohësh ka bërë publike rubrikën e saj më të re në faqen e saj online, ku nëpërmjet saj publikon personat e kërkuar nga drejtësia. Nga një kërkim i thjesht në këtë faqe na rezulton se shumica e të kërkuarve nga policia, të cilët janë publikuar në faqen online, nuk kanë asnjë foto.

Me të drejtë Policia e shtetit ka kërkuar ndihmën e qytetarëve në kapjen dhe në dhënien e çdo informacioni që kanë për të kërkuarit, por në momentin kur në profilin e tyre nuk ka asnjë foto është absurde se si mund të kërkohet ndihma e qytetarëve. Është normale që për disa shtetas të cilët kanë vite që kërkohen fotot e tyre mund të mos vendosen sepse me kalimin e viteve edhe vetë i kërkuari mund të ketë ndryshuar por është e pakuptueshme se si të kërkuarit e kohëve të fundit të lihen pa një pamje nëpërmjet të cilës do të identifikohet nga qytetarët.

Nuk dihet nëse mungesa e fotove për të kërkuarit është e qëllimshme apo jo por nga investigimi në faqen e policisë rezulton se nga 678 shtetas të shpallur në kërkim, gati gjysma e tyre janë pa foto. Policia kërkon ndihmën e qytetarëve, shumica në fakt nuk kanë foto. Në vazhdimin e këtij absurdi, çdo kush nga ne mund të përballet më njërin prej tyre, mund ta ketë ngjitur në lokalin e lagjes dhe të mos e identifikojë.

Në disa raste fotot e tyre i gjen ne google me nje kerkim apo ne rrjetet sociale. Kjo tregon se Policia e Shtetit nuk e ka marrë seriozisht identifikimin dhe publikimin e fotove te te shkume kerkuarve. Mungesa e fotove thjesht sa e lehtëson punën e të kërkuarve, të cilët enden të lirë nëpër rrugët e vendit./citynews

Ja linku:

http://www.asp.gov.al/index.php/persona-ne-kerkim?view=personanekerkim&emri=&mbiemri=&vendlindja=&atesia=&gjinia=&vepra=&pn=6