web counter
LEXO PA REKLAMA!

SHKARKO APP

App Store
Google Play

E fundit!

x

Tifozë-lojtarë kokë më kokë, Prokuroria nis hetim ndaj Milanit

14 Maj 2023, 14:05, Sport CNA

Milani pësoi disfatën e dytë brenda një jave teksa pas rezultatit zhgënjyes me Interin në Champions League (humbën 2-0), kuqezinjtë u mposhtën edhe në kampionat në transfertë ndaj Specias me shifrat 2-0.

Skuadra e drejtuar nga trajneri Stefano Pioli ka vendosur në rrezik objektivat sezonalë, ndërsa edhe tifozët pas humbjes me Specian kërkuan të “shkundnin” skuadrën duke i thirrur në një ballfaqim në fushë. Sfida e radhës është ajo e kthimit në Champions League me Interin dhe tifozët duan me çdo kusht që skuadra të rikthehet ajo e mëparshmja.

Por, episodi i ndodhur me tifozët pas sfidës me Specian është duke u marrë në shqyrtim nga Prokuroria Federale duke qenë se Kodi i Drejtësisë Sportive ndalon të ashtuquajturat “gjyqe publike”. Mbetet për t’u parë nëse do të merren edhe masa ndaj lojtarëve kuqezinj për këtë mbledhje me tifozët, pavarësisht se ballafaqimi lojtarë-tifozë është bërë me mirëkuptim nga të dyja palët.

Sakaq, edhe mbrojtësi i Milanit, Simon Kjaer, u shpreh se skuadra është në një moment të vështirë, ndërsa shtoi se ndeshja ndaj Specias duhet harruar sa më shpejt dhe të martën ndaj Interit në Champions duhet të luajnë ndeshjen e jetës.





Lajmet e fundit nga