LEXO PA REKLAMA!

SHKARKO APP

Skerdi Bejzade trajneri i Erzenit? Presidenti i shijakasve zbulon vendimin

7 Shkurt 2024, 19:36, Sport CNA

Skerdi Bejzade trajneri i Erzenit? Presidenti i shijakasve zbulon vendimin

Skerdi Bejzade është trajneri i ri i Erzenit. Mësohet se palët kanë arritur marrëveshjen mes tyre dhe në orët e ardhshme pritet prezantimi zyrtar. Kjo u konfirmua edhe nga vetë presidenti i Erzenit, Julian Balla.

Palët ishin në bisedime dhe kanë arritur akordin, që Bejzade të marrë drejtimin e shijakasve.

Gjithashtu në staf do të jetë edhe trajneri aktual, Alfred Deliallisi, duke qenë se e njeh mirë skuadrën, pasi e ka drejtuar gjatë gjithë sezonit.

Vetëm një fitore në 5 ndeshjet e fundit, ku ka marrë edhe një barazim, por ka pësuar 3 humbje radhazi, domethënë vetëm 4 pikë të marra nga 15 të mundshme, e kanë parë Erzenin të rrëshqasë në shkallët e renditjes dhe ta gjejë tashmë veten në vendin e 8-të të renditjes, që të çon në “play-off”-in midis Kategorisë Superiore dhe asaj Të Parë, po duke qenë në buzë të rënies një nivel më poshtë.

Kjo ka bërë që drejtuesit e klubit shijakase të reagojnë dhe tashmë drejtimin e skuadrës do e marrë ish-lojtari i mirënjohur, Skerdi Bejzade.

Lajmet e fundit nga