LEXO PA REKLAMA!

SHKARKO APP

“Këpuca e Artë”, shikoni renditjen e golashënuesve në Superiore

7 Shkurt 2024, 18:13, Sport CNA
“Këpuca e Artë”, shikoni renditjen e golashënuesve
Bekim Balaj

Bekim Balaj, po kalon një formë shumë të mirë këtë sezon dhe është kthyer në një pikë kyçe për skuadrën e Vllaznisë. Me 12 gola të shënuar deri tani, 33-vjeccari është konfirmuar si një nga lojtarët më në formë të kampionatit.

Sulmuesi, i cili për shumë vite ka dhënë dhe kontributin e tij për Kombëtaren e Shqipërisë është favoriti kryesor dhe për “Këpucën e Artë” të Superiores. Aktualisht, sulmuesi i Vllaznisë ka shënuar 5 gola më tepër se sulmuesi më i afërt aktiv. Ndonëse pas tij ndodhen Florent Hasani dhe Raphael Dëamena, sulmuesi dardan u largua në merkaton e dimrit drejt Rapidit, ndërkohë që ganezi humbi jetën në nëntorin e vitit të shkuar.

“Këpuca e Artë”, shikoni renditjen e golashënuesve
Renditja e golashenuesve

Dy futbollistët që mund të ushtrojnë presion ndaj Balajt janë Bintsouka i Partizanit dhe Sobowale i Laçit, të cilët kanë shënuar nga 7 gola deri më tani. Deri në fund ka edhe shumë javë, por me hendekun që ka krijuar Balaj, me shumë mundësi kapiteni i Vllaznisë do ia dalë që të ruajë vendin e parë deri në fund të kampionatit në këtë renditje të veçantë.

Lajmet e fundit nga