LEXO PA REKLAMA!

SHKARKO APP

Rezultatet negative, Lazio vendos për trajnerin Sarri

7 Shkurt 2024, 15:34, Sport CNA

Rezultatet negative, Lazio vendos për trajnerin Sarri

Pas disfatës së Lazio-s në Bergamo (3-1), që u kontestua ashpër nga tifozët bardhekaltër, dhe pas përballjeve dhe tensioneve mes trajnerit dhe skuadrës, mendon presidenti Lotito që të qetësojë situatën në klubin kryeqytetas:

 “Është e sigurt që nuk do të shkarkoj Sarri-n dhe nuk mund të humbasim kohë për të mohuar marrëzitë. Nuk e kuptoj se cili është problemi. Do të merrem me të, do ta marr situatën në duart e mia, siç ka ndodhur edhe në raste të tjera në të kaluarën, por sot nuk po flas me askënd”, ka thënë Claudio Lotito.

Mediat italiane raportojnë se në ditët në vijim presidenti Lotito do të kthehet në Formello për të folur me trajnerin, por për momentin nuk janë kushtet ideale për të kërkuar llogari, sepse sado që të djegë humbja në Bergamo, bardhekaltrit janë në fazën e 16-të të Ligës së Kampionëve, në gjysmëfinalen e Kupës së Italisë dhe në garë për vendin e katërt në kampionat.

Rezultatet janë ende në anën e Sarri-t, kontrata e të cilit skadon në vitin 2025, ndaj sot trajneri nuk rrezikon. Lotito ishte i qartë, por situata është ndryshe për sezonin e ardhshëm dhe në këtë kuptim ndeshjet e ardhshme do të jenë shumë të rëndësishme.

Pas Cagliari-t të shtunën dhe Bayerni-t në Ligën e Kampionëve, Lazio do të sfidojë Bolonjën, Torinon dhe Fiorentinën në tri ndeshje direkte për Evropën dhe një kolaps i mundshëm, shkruan “Il Corriere dello Sport”, do të shënonte fatin e Sarri-t.

Lajmet e fundit nga