Renditja e FIFA-s/ Shqipëria nuk lëviz, Kosova fiton një pozicion. Vendin e parë në botë e mban Brazili

23 Qershor 2022, 11:29, Sport CNA

FIFA ka përditësuar ditën e sotme renditjen e përgjithshme për ndeshjet e muajit qershor të kombëtareve.

Shqipëria nuk ka lëvizur asnjë pozicion, teksa renditet në vendin e 66-të në botë edhe pse në sfidat e qershorit, Kombëtarja kuqezi nuk arriti asnjë fitore, ku mori 1 humbje dhe dy barazime, në dy ndeshjet e Ligës së Kombeve, respektivisht ndaj Izraelit dhe Islandës, dhe një barazim pa gola 0-0 në miqësore ndaj Estonisë në stadiumin “Air Albania”.


Kosova ka fituar 1 pozicion në renditjen e përgjithshme ku nga vendi i 107-të tani renditet në vendin e 106-të. Me dy fitore edhe dy humbje “Dardanët” marrin pikë për sa i përket klasifikimit në FIFA.


Vendin e parë në botë e mban Brazili, i cili ndiqet nga Belgjika dhe podiumin e mbyll Argjentina. Franca renditet në vendin e katërt, në pozicionin e pestë është Anglia. Në të gjashtin është Spanja. Në vendin e shtatë janë Kampionët e Europës, Italia.

Pozicionin e 8-të e zë Holanda, në të nëntin Portugalia dhe “Top-10” e mbyll Danimarka. Gjermania mban pozicionin e 11-të në botë.

Renditja e FIFA-s/ Shqipëria nuk lëviz, Kosova fiton një
RENDITJA E SHQIPËRISË –
Renditja e FIFA-s/ Shqipëria nuk lëviz, Kosova fiton një
RENDITJA E “TOP-10”

Lajmet e fundit nga