web counter
LEXO PA REKLAMA!

SHKARKO APP

App Store
Google Play

Pretendon të luajë me Gjermaninë, shihni se te cili ekip ka përfunduar Leon Dajaku

27 Janar 2023, 09:51, Sport CNA

Leon Dajaku të enjten ka kompletuar huazimin deri në fund të sezonit 2022/23 nga Sunderlandi te St. Gallen, ku do ta mbajë fanellën me numrin 77. Dy klubet kanë rënë dakord që të mos bëjnë të ditura modalitetet e transferimit.

Drejtori sportiv i klubit zviceran, Alain Sutter, ka thënë se Dajaku mund t’i shërbejë shumë skuadrës në stinorin pranveror të Superligës së Zvicrës.

“Leoni mund të përdoret në pozicione të ndryshme në sulmin tonë, gjë që na jep mundësi të reja. Ai ka shumë potencial, jemi të lumtur që është pjesë e ekipit tonë deri në verë”, ka thënë Sutter.

Ai më herët ka qenë pjesë e ekipit të dytë të Bayernit dhe ekipit të parë të Stuttgartit dhe Union Berlinit. Një ndeshje ka luajtur edhe për U-20 e Gjermanisë. Me Sunderlandin ka kontratë deri në qershor të vitit 2024.

Dajaku ka qenë vazhdimisht në fokusin e Shqipërisë dhe të Kosovës por asnjëherë nuk i është përgjigjur interesimit të tyre.

Ai vazhdon të ëndërrojë se një ditë do thirret nga kombëtarja e Gjermanisë, gjë kjo që duket shumë e vështirë për të ndodhur.





Lajmet e fundit nga