web counter
LEXO PA REKLAMA!

SHKARKO APP

App Store
Google Play

E fundit!

x

Spanja eliminon Belgjikën dhe kualifikohet në gjysmëfinalen e Botërorit

10 Korrik 2026, 20:53, Sport CNA

Spanja eliminon Belgjikën dhe kualifikohet në gjysmëfinalen e

Kombëtarja e Spanjës ka siguruar kualifikimin për në fazën gjysmëfinale të Kupës së Botës, pasi mposhti Belgjikën me rezultatin 2-1.

Ndeshja nisi me dominimin e spanjollëve, të cilët kaluan në avantazh në minutën e 30-të falë një goli të shënuar nga Fabian Ruiz. Belgjika arriti të reagonte dhe vendosi baraspeshën përmes një goditjeje me kokë nga Charles De Ketelaere në aksionin e parë të rrezikshëm të skuadrës së tij.

Në pjesën e dytë, një dëmtim i portierit belg Thibaut Courtois rezultoi vendimtar për rrjedhën e lojës. Portieri zëvendësues, Lammens, tregoi pasiguri gjatë kontrollit të një gjuajtjeje nga Pau Cubarsi, duke kthyer topin në zonë.

Nga ky gabim përfitoi mesfushori Mikel Merino, i cili i futur nga stoli shënoi golin e fitores dhe të kualifikimit për spanjollët.

Në raundin tjetër, Spanja do të përballet me Francën për një vend në finalen e madhe.

SPANJË-BELGJIKË 2-1

KOMENTI LIVE

Mbyllet ndeshja. 

88’- GOOOOOOL SPANJA 2-1! Mikel Merino vjen nga stoli dhe shënon golin e avantazhit për Spanjën. Mesfushori përfiton nga një pasiguri e portierit Lammels në kontrollin e topit pas gjuajtjes nga Cubarsi dhe shënon.

71’- I pafat Courtois, i cili dëmtohet dhe largohet mes lotësh. Aktivizohet Lammens nga stoli.  

62’- Pretendime për penallti te Belgjika. Prekje me dorë te spanjollët, por arbitri vazhdon lojën.

60’- Tre zëvendësime te Belgjika. Largohen Trossard, Vanaken dhe De Cuyper, ndërsa aktivizohen Witsel, Lukaku dhe Seys.

56’- Dy zëvendësime te Spanja. Largohen Baena dhe Ruiz, për t’i lënë vendin Ferran Torres dhe Pedrit.

55’- Iluzione goli të Belgjika. Pas një aksioni të bukur dhe të rrjedhshëm, në fund gjuan De Cyuper që tund rrjetën e jashtme.

52’- Gjuajtje e fortë e Yamal në hyrje të zonës, por topi devijohet në këndore nga Mechele.

48’- Pasim i shkëlqyer i Cubarsi për Yamal, i cili del i vetëm me portierin. Courtois e ndal, ndërsa arbitri akordon pozicion jashtë loje.

45′- Starton pjesa e dytë.

Mbyllet pjesa e parë.

Akordohen 5 minuta shtesë.

41’- GOOOOOOL BELGJIKA 1-1! Në të parin rast të rrezikshëm, belgët gjejnë barazimin. De Ketelaere shfrytëzon një krosim të Trossard dhe shënon me kokë.

39’- Lamine Yamal tregon klasin e tij. Kalon dy lojtarë dhe gjuan bukur, por topi prek rrjetën e jashtme.  

35’- Courtois shmang golin e dytë, me një pritje të bukur ndaj Yamal nga goditja e dënimit.

34’- Tjetër mundësi e mirë për Spanjën. Yamal tenton të gjuajë nga jashtë zone, por fiton goditje dënimi.

30’- GOOOOOOOL SPANJA 1-0! Zhbllokohet më në fund sfida. Fabian Ruiz shfrytëzon një top të kthyer nga pritja e Courtois te gjuajtja e Olmo dhe e ndal topin në fundin e rrjetës.

Spanja eliminon Belgjikën dhe kualifikohet në gjysmëfinalen e

21’- Raskin humb në top të rrezikshëm në afërsi të zonës. Sfera shkon te Yamal, që provon me një gjuajtje nga jashtë zone, e cila shkon jashtë.

16’- Olmo merr një pasim të shkëlqyer në zonë, por gabon gjithçka me kontrollin dhe humb topin.

13’- Gjuan Baena në zonë, por ndalet nga Ngoy. Te Spanja pretendojnë për penallti, pas një prekje me dorë të mbrojtësit. Arbitri vazhdon lojën, pasi dora e Ngoy ishte në pozicion natyral.   

Spanja eliminon Belgjikën dhe kualifikohet në gjysmëfinalen e

10’- Mundësi e mirë për Spanjën. Pas një topi të mbetur në zonë, provo Rodri, por gjuajtja ndalet nga Ngoy. Shpëton këtë herë porta e Courtois. 

6’- Spanja merr kontrollin e lojës dhe fiton terren. Megjithatë Belgjika është e vendosur mirë dhe tenton me kundërsulme. 

Starton sfida.





Lajmet e fundit nga