LEXO PA REKLAMA!

SHKARKO APP

E fundit!

x

Dilema për Brojën, te Fulham janë të pavendosur. Zbulohet klauzola

12 Shkurt 2024, 16:06, Sport CNA

Dilema për Brojën, te Fulham janë të pavendosur. Zbulohet

Armando Broja, ndryshoi skuadër në merkaton e janarit, duke u larguar nga Chelsea, për të kaluar te Fulham, në formën e huazimit.

Megjithatë, në dy ndeshje, sulmuesi shqiptar, është aktivizuar shumë pak, vetëm në minutat e fundit ndaj Burnley dhe Burnemouth.

Kjo situatë, ka krijuar një dilemë te drejtuesit dhe stafi i Fulham. Sipas “The Sun”, në klub janë të pavendosur për mënyrën se si do të trajtojnë sulmuesin shqiptar, për shkak të marrëveshjes që kanë nënshkruar me Chelsean për huazimin e tij. Tabloidi britanik bën të ditur se Fulham ka paguar rreth 750 mijë paund për të huazuar Brojën deri në fund të sezonit, por shifra është progresive dhe shkon deri në 4 milionë paund në varësi të aktivizimit të sulmuesit shqiptar dhe numrit të ndeshjeve që ai do të luajë.

Dilema për Brojën, te Fulham janë të pavendosur. Zbulohet

Akordi parashikon që Broja të luajë minimalisht 60% të ndeshjeve të Fulham nga momenti i firmës, por si titullar, jo thjesht aktivizim. Ndaj te Fulham po mendojnë si të veprojnë me sulmuesin për të nisur aktivizimin e tij nga minuta e parë në ndeshjet e mbetura për të kursyer.

Por dilemat kanë të bëjnë më faktin se sulmuesit e tjerë po kalojnë formë të mirë dhe po shënojnë gola, ndaj tani po merret në konsideratë edhe ideja e mbajtjes së Brojës në stol në vazhdimësi, ndonëse kjo do i kushtojë një shifër të majmë klubit.

Lajmet e fundit nga