E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

VIDEO/ Ngjarje tragjike, futbollisti ndërron jetë pasi u godit nga rrufeja në fushë

12 Shkurt 2024, 14:31, Sport CNA

Incidenti i frikshëm, i cili pa Septain Raharja të goditej nga një rrufe përpara se të rrëzohej në fushën e stadiumit “Siliwangi”, është kapur në një video rrëqethëse, që është “bërë” virale në mediat sociale.

30-vjeçari nga Subang i Java-s po luante në një ndeshje miqësore mes 2 FLO FC Bandung dhe FBI Subang. Media vendase “PRFM News” pohoi se Raharja po merrte ende frymë pas incidentit dhe u dërgua me shpejtësi në spital, por u shpall e vdekur pak më pas.

Dëshmitarët thuhet se kanë raportuar se moti ishte i vranët dhe me shi para goditjes së rrufesë. Incidenti tragjik është hera e dytë që ndodh në futbollin indonezian, sepse rrufeja goditi një tjetër futbollist teksa luante, gjatë vitit të kaluar.

Një futbollist i ri në Bojonegoro, Java Lindore, u godit gjithashtu nga rrufeja. I riu më pas pësoi arrest kardiak dhe u nxor nga fusha. Ai u dërgua me urgjencë në spitalin “Ibnu Sina” të Bojonegoro për trajtim mjekësor.

Fatmirësisht, futbollisti i ri u “ringjall” pas ndihmës mjekësore dhe rifitoi vetëdijen pas rreth 20 minutash. Viti 2023 pa edhe një futbollist brazilian 21-vjeçar të mbërthyer nga rrufeja, ndërsa ishte në fushë. Caio Henrique de Lima Goncalves ishte duke luajtur për ekipin e tij Uniao Jaiirense në një ndeshje kupe, kur u trondit nga goditja e rrufesë. Ai u dërgua me urgjencë në spital pasi u rrëzua në fushë, por më vonë vdiq nga plagët e marra.

Referuar rastit më të freskët tragjik në Indonezi, një nga shokët e skuadrës tha se u kuptua menjëherë që gjendja e Raharja ishte kritike: “Djegiet ishin shumë të rënda, ngjyra e lëkurës së tij tashmë po shkonte drejt së zezës. Ai nuk u ngrit më, edhe pse mbërriti një ambulancë për ta ndihmuar. Këpucët i ishin djegur, uniforma e grisur, lëkura i dukej sikur ishte shkrirë, në gjoks kishte lezione nga goditja elektrike që kishte marrë”.

A footballer has been tragically killed after being struck by a lightning bolt while playing football in Indonesia.

The man, later identified as Septain Raharja, was competing in a friendly football match between 2 FLO FC Bandung and FBI Subang.pic.twitter.com/P9x8G4Ayjr
— WORLD AT WAR (@World_At_War_6) February 12, 2024