web counter
LEXO PA REKLAMA!

SHKARKO APP

App Store
Google Play

E fundit!

x

Ancelotti largohet pa pengje: 11 trofe në 4 vite, Realin do e mbaj në zemër

13 Maj 2025, 17:41, Sport CNA

Ancelotti largohet pa pengje: 11 trofe në 4 vite, Realin do e mbaj në

Në prag të ndeshjes Real-Mallorca, trajneri Carlo Ancelotti ka konfirmuar zyrtarisht se do të marrë drejtimin e kombëtares së Brazilit pas përfundimit të sezonit aktual. Konferenca vjen një ditë pas deklaratës së publikuar nga Federata Braziliane e Futbollit (CBF), e cila njoftoi emërimin e Ancelottit si tekniku i ri i “Seleçaos”.

Trajneri italian, i cili ndodhet në fundin e aventurës së tij të dytë në krye të klubit madrilen, u shpreh se është ende i përqendruar tek Real Madridi dhe dëshiron të përfundojë me dinjitet aventurën aktuale përpara se të nisë fazën e re të karrierës.

“Ndjenja ime është se më 26 maj do të jem trajneri i Brazilit. Është një sfidë e madhe, por aktualisht jam ende trajneri i Real Madridit dhe dua ta përmbyll në mënyrën më të mirë këtë aventurë. Kam shumë respekt për këtë klub dhe për tifozët e tij, ndaj jam i fokusuar në ndeshjet e fundit”, deklaroi Ancelotti.

Ancelotti do të largohet nga Real Madrid një vit përpara përfundimit të kontratës që ishte e vlefshme deri në vitin 2026. Në konferencën për shtyp ai theksoi se ky largim nuk do të thotë se ka ndonjë krizë apo mosmarrëveshje me klubin.

“Futbolli si jeta, është një seri aventurash që fillojnë dhe përfundojnë. E dija që një ditë gjithçka do të mbaronte. Ka qenë një periudhë shumë e bukur dhe kam shijuar çdo moment. Por si çdo gjë tjetër, edhe kjo ka një fund. Nuk ka zhgënjim, përkundrazi. Nëse më thoshin ditën e parë që do të fitoja 11 trofe në katër vite, do ta firmosja menjëherë”.

Tekniku italian u bë trajner i Real Madrid për herë të dytë në vitin 2021. Në këtë periudhë, ai ka fituar La Ligan, Kupën e Mbretit, Superkupën e Spanjës, Ligën e Kampionëve, Superkupën e Europës dhe Kupën e Botës për Klube. Ai e konsideroi këtë cikël si një nga më të suksesshmit në karrierën e tij.

“Në total, fituam shumë tituj dhe kjo do të mbetet një kujtim i jashtëzakonshëm për mua. Nuk kam patur kurrë probleme me klubin dhe nuk do të kem as në të ardhmen. Real Madridi është një klub që e mbaj në zemër”.

 

Sa i përket vendimit për largim, Ancelotti u shpreh se nuk ka qenë rezultat i një mungese besimi nga ana e klubit.

“Nuk kam ndjerë kurrë që Real Madrid nuk më donte. Ky klub më ka treguar gjithmonë dashuri dhe vlerësim. Por nuk mund të jem trajner i Real Madrid përgjithmonë. Klubi mund të ketë nevojë për ndryshim, për energji të reja. E kuptoj këtë dhe nuk e dramatizoj. Falenderoj të gjithë ata që kanë qenë pjesë e këtij udhëtimi”.

 

 





Lajmet e fundit nga