web counter
LEXO PA REKLAMA!

SHKARKO APP

App Store
Google Play

E fundit!

x

Interi beson te vendi i parë, Asllani e afron me kreun

12 Maj 2025, 00:29, Sport CNA

Interi beson te vendi i parë, Asllani e afron me kreun

Interi mori një fitore shumë të rëndësishme në transfertë, pasi mposhti Torinon me rezultatin 2-0. Sukses i rëndësishëm për zikaltërit që ngushtojnë diferencën me kreun e renditjes dhe tani besojnë te vendi i parë.

Ndeshja nisi në mënyrën më të mirë të mundshme për miqtë, që gjetën avantazhin shumë shpejt. Zalevski zhbllokoi takimin, me një supergol të shënuar nga jashtë zone.

Reagimi i vendasve ishte i vakët, deri në fundin e pjesës së parë. Biraghi iu afrua barazimit, por gjuajtja e tij me kokë u ndal mrekullisht nga portieri Martinez.

Fraksioni i dytë i lojës nisi sërish në mënyrë të shkëlqyer, me Taremin që fitoi penallti për ndërhyrje të gabuar nga portieri i vendasve.

Ekzekutimin e 11-metërshit e mori përsipër Kristjan Asllani, i cili u tregua i saktë. Mesfushori shqiptar mposhti portierin serb, i cili njihet si ekspert i penalltive.

Në minutën e 69-të, Korrea dhe Çalhanoglu kishin mundësinë për të shënuar golin e tretë, por u ndalën në dy raste nga portieri i Torinos.

Dy minuta më vonë, Interi ishte me fat, pasi një top i devijuar shkoi ngjitur me shtyllën dhe përfundoi në këndore.

Një asist model nga Asllani në fund të takimit, nuk u shfrytëzua si duhet nga Dimarko dhe Korrea. Me këtë fitore, Interi mban vendin e dytë me 77 pikë, vetëm 1 pikë më pak se Napoli i vendit të parë, kur kanë mbetur edhe dy javë nga fundi.





Lajmet e fundit nga