LEXO PA REKLAMA!

SHKARKO APP

App Store
Google Play

E fundit!

x

Merret vendimi/ Miratohet fondi prej 240 milionë lekësh për ndërmarrjet sociale

24 Mars 2023, 10:54, Sociale CNA
Merret vendimi/ Miratohet fondi prej 240 milionë lekësh për
Ministrja e Shëndetësisë, Ogerta Manastirliu

Ministrja e Shëndetësisë, Ogerta Manastirliu, ka bërë me dije se është miratuar fondi prej 240 milionë lekësh për periudhën 2023-2025 për të integruar dhe punësuar individët e ndërmarrjeve sociale.

Sipas ministres, format e mbështetjes përmes subvencionimit do bëjnë të mundur që individë, të cilët janë pjesë e programeve të papunësisë të mund të punësohen në mënyrë që shteti të subvencionojë pagën minimale për ta.

“Sot kemi miratuar një seri vendimesh të rëndësishme. Kemi miratuar vendimin për ndërmarrjet sociale dhe përcakton format e mbështetjes për ndërmarrjen sociale.

Ky vendim krijon për të disatën herë fondin e mbështetjes së ndërmarrjeve sociale në vlerën 240 milionë lekë për periudhën 2023-2025. Format e mbështetjes përmes subvencionit do bëjnë të mundur që individë, të cilët janë pjesë e programeve të papunësisë të mund të punësohen në mënyrë që shteti të subvencionojë pagën minimale për ta.

Kjo formë e re vjen për të mbështetur organizatat jofitimprurëse. Një ndër elementet përveç kritereve që duhet të plotësojnë është që deri në 50% e të punësuarve do të jenë individë që janë pjesë e skemave të mbrojtjeve sociale.

Këto forma mbështetjeje vijnë në kuadër të fuqizimit ekonomik të personave që janë në moshë aktive pune, pjesë e programeve të ndihmës ekonomike, por tashmë kanë mundësi të riintegrohen në tregun e punës. Ne kemi punuar fort për të bërë të mundur integrimin dhe riintegrimin e familjeve që janë pjesë e programeve tona sociale”, tha Manastirliu./ CNA.al

Lajmet e fundit nga