LEXO PA REKLAMA!

SHKARKO APP

E fundit!

x

“Interneti, zonë rreziku për fëmijët!”/ Marshim para PE-së, kërkohen masa për dhunën seksuale online

19 Shtator 2023, 18:05, Sociale CNA

“Interneti, zonë rreziku për fëmijët!”/ Marshim

Sot, të mbijetuarit e dhunës seksuale në internet, të rinjtë e të rejat, organizatat për të drejtat e fëmijëve dhe avokatë të tjerë nga e gjithë BE-ja dhe vendet kandidate marshuan në Bruksel për t'i kërkuar drejtuesve të BE-së që 'të pastrojnë internetin' nga grabitqarët seksualë dhe të mbrojnë fëmijët tanë online. 

Në një shfaqje sfiduese për të tërhequr vëmendjen e vendim-marrësve të BE-së, përfaqësues të koalicionit dolën në rrugë për të treguar mbështetjen e tyre për Rregulloren e propozuar të BE-së për të parandaluar dhe luftuar abuzimin seksual të fëmijëve. 

Të veshur me kostume me mbishkrimin "Siguri për Fëmijët" dhe shenja paralajmëruese, aktivistët theksuan rreziqet me të cilat fëmijët përballen sot në internet dhe i bënë thirrje  drejtuesve të BE-së që të përdorin fuqinë e tyre politike për të miratuar këtë legjislacion dhe për të mbrojtur fëmijët nga dhuna seksuale online. 

Statistikat tregojnë një rritje të vazhdueshme dhe të frikshme të përdorimit të internetit nga grabitqarët seksualë për të gjetur fëmijët dhe për të ndarë materialet e dhunës seksuale me fëmijë, duke synuar gjithnjë e më shumë që të viktimizojnë fëmijë sa më të vegjël në moshë.  

Ky aksion i shoqërisë civile vjen pasi të dhënat e reja nga Eurobarometri i Komisionit Europian  gjetën se europianët janë gjerësisht mbështetës të fuqishëm të kërkesës për të mbrojtur fëmijët në internet: 

1. 92% pranojnë se fëmijët janë gjithnjë e më shumë të rrezikuar në internet. 

2. 82% pranojnë se mjete si “kontrolli prindëror” nuk janë të mjaftueshme për t'i mbajtur fëmijët të sigurt në internet 

3. 78% mbështesin fuqishëm propozimin e Komisionit për të luftuar dhunën seksuale ndaj fëmijëve në internet. 

Anembanë Europës, mbi 100 të rinj e të reja, të mbijetuar të dhunës seksuale në internet, personalitete, akademikë dhe ekspertë të sigurisë së fëmijëve janë mbledhur së bashku për të nënshkruar një letër të hapur që kërkon që ligjbërësit e BE-së të miratojnë propozimin e Komisionit Europian për të luftuar dhunën seksuale ndaj fëmijëve në internet.  

“Interneti, zonë rreziku për fëmijët!”/ Marshim

Aktivisti i të rinjve Taveres Ferreira tha: “Çdo sekondë, të paktën dy imazhe ose video të dhunës seksuale ndaj fëmijëve shpërndahen në internet. Kjo do të thotë se mbi 52,000 imazhe apo video në një ditë pune, nga të cilat më shumë se 60% janë ngarkuar në servera që ndodhen në Europë. Pas çdo imazhi qëndron dikush që duhet të jetojë me traumën afatgjatë të dhunës seksuale, shkeljen e tmerrshme të privatësisë për shkak të qarkullimit të imazheve të tyre online. Ne duhet të veprojmë për të pastruar internetin nga kriminelët që e përdorin atë për të dëmtuar fëmijët tanë.” 

"Rregullorja e diskutuar aktualisht në nivel të BE-së është absolutisht  jetike për të siguruar që të gjitha platformat online  të sigurojnë që shërbimet e tyre të jenë të sigurta për fëmijët dhe që ato të zbulojnë dhe heqin materialet e abuzimit seksual të fëmijëve. Ne jemi këtu për t'u kërkuar rejtuesve të BE-së në Bruksel dhe në të gjithë BE-në që të ndërmarrin veprime për të pastruar internetin dhe për ta bërë atë një vend të sigurt për fëmijët." 

1. Në vitin 2022, 40% e faqeve të internetit të dhunës seksuale të fëmijëve të evidentuara në internet shfaqnin një fëmijë nën 10 vjeç dhe shumë nga kategoritë më të tmerrshme të dhunës seksuale ngaj fëmijëve u evidentuan në internet si kurrë më parë, sipas Internet Watch Foundation (IWF).  

2. Është tepër problematike që BE-ja është në qendër të 60% të rasteve të dhunës seksual ndaj fëmijëve në internet. 

3. 78% e shtetasve të BE mbështesin BE-në për të miratuar legjislacionin afat-gjatë që do t'i mbajë fëmijët të sigurtë në internet. 

Mié Kohiyama, e mbijetuar e dhunës seksuale, anëtare e Lëvizjes Së Guximtarëve (Brave Movement) në France tha:

"Nuk e di nëse do ta shëroj ndonjëherë me të vërtetë traumën e përdhunimit si një 5-vjeçare. Nuk mund ta imagjinoj tmerrin e abuzimit tim duke qenë online, në dispozicion të grabitqarëve dhe kriminelëve për të më parë dhe monetizuar. Por ky është fati i mijëra fëmijëve dhe të mbijetuarve. Kërkesa numër një nga të mbijetuarit është që materiali i tyre të hiqet nga interneti dhe kjo thjesht nuk mund të bëhet pa mjete zbulimi. Viktimat e abuzimit seksual të fëmijëve në internet jo vetëm që vuajnë nga abuzimi 'duarkryq', por vazhdojnë të vuajnë çdo herë që materiali shpërndahet ose shihet. Kjo është arsyeja pse unë çoj zërin tim për të mbrojtur këta fëmijë, për të parandaluar më shumë fëmijë që të vuajnë në duart e abuzuesve që përfitojnë nga teknologjia për të përhapur krimet e tyre të neveritshme. Ne lutemi sot që dretuesit e BE-së –mbroni fëmijët dhe nderoni të mbijetuarit. Miratojeni këtë ndryshime ligjore." 

Legjislacioni i propozuar i BE-së kërkon që ofruesit e internetit dhe të shërbimeve online të parandalojnë, zbulojnë, raportojnë dhe hiqnin çdo material me përmbajtje seksuale të fëmijëve në internet. Ajo do të krijojë një Qendër të specializuar në një vend të BE-së për të parandaluar dhe kundërshtuar dhunën seksuale të femijeve në internet, ku profesionistët e të drejtave të fëmijëve, ekspertët e teknologjisë, të mbijetuarit dhe forcat e rendit do të punojnë së bashku për të trajtuar këtë krim ndërkufitar.

Lajmet e fundit nga