E fundit!

18:12 Aktualitet

Zjarr në unazën jugore të Elbasanit/ Shpërthime gjatë operacionit për shuarjen e flakëve

Një zjarr ka përfshirë pasditen e sotme një sipërfaqe tokë...

53-vjeçari abuzoi seksualisht dhe e prostituoi/ Dëshmia tronditëse e të miturës: Më kërcënoi të mos flisja

9 Tetor 2022, 22:59, Sociale CNA

53-vjeçari abuzoi seksualisht dhe e prostituoi/ Dëshmia

Abuzuesi

Greqia është tronditur nga abuzimi seksual i një vajze 12-vjeçare nga një 53-vjeçar.

Sipas avokates së familjes, Aspasia Tarahopoulou, e mitura është transferuar në Kolonos dhe ndodhet në gjendje të keqe psikologjike.

Ndërkohë, viktima e abuzimit seksual ka dëshmuar në polici se kur kanë qenë vetëm në dyqan, autori e ka rrahur. Makthi i saj i vërtetë ka filluar që në muajin qershor.

53-vjeçari e ka kërcënuar vajzën me armë dhe e ka dhunuar sistematikisht në biznesin e tij. Përveçse ka abuzuar vetë seksualisht me të, abuzuesi e ka shitur vajzën tek burra të tjerë.

“Me sa mbaj mend, takova rreth 10 burra. Takimet u organizuan nga… Më çuan në dhoma dhe makinat e tyre. Nuk e di saktësisht se ku ishim”, ka dëshmuar para autoriteteve 12-vjeçarja, raporton “Protothema”.

Si u zbulua ngjarja e rëndë

Kanë qenë të afërmit e të miturës që kanë parë mesazhet që 12-vjeçarja kishte marrë në celular nga autori, të cilat avokati i cilësoi si tronditëse.

“Sapo e kuptuan, morën fëmijën, shkuan në GADA dhe bënë denoncimin. Mendoj se është bërë një punë shumë e mirë nga Policia. E kanë lidhur shumë mirë çështjen, kanë rreth një muaj që merren me të dhe ndoshta kjo ka qenë arsyeja që autori kishte heshtur dhe kishte menduar se nuk do të zbulohej”, tha avokati i familjes.

Oficerët me eksperiencë të Sektorit të Sigurimit të të Miturve dhe Krimeve Kibernetike filluan të monitoronin nga afër 53-vjeçarin. Ata identifikuan profilet false që kishte krijuar, me video të shumta dhe foto nudo të të miturës, ndërsa panë bisedat që 53-vjeçari kishte me pedofilë që paguanin për të takuar 12-vjeçaren.

Aktualisht ai është vënë në pranga. Së bashku me 53-vjeçarin u arrestua një 42 -vjeçar që e paguante për të abuzuar seksualisht me fëmijën./ B.A. –CNA.al