E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Sindroma e kthimit nga pushimet/ Cilat janë simptomat dhe si ta kapërceni atë?

24 Gusht 2023, 16:09, Shëndeti CNA

Sindroma e kthimit nga pushimet/ Cilat janë simptomat dhe si ta

Sindroma pas përfundimit të pushimeve, ose mërzia nga rikthimi në punë, i referohet ndjenjës plot ankth që përjetojnë shumë njerëz në fund të gushtit ose afër vjeshtës. Sipas një studimi të kryer, 32 për qind e njerëzve të anketuar thonë se janë jashtëzakonisht të stresuar kur u kthehen aktiviteteve të tyre profesionale, dhe 38 për qind janë disi të stresuar.

Në fakt, rikthimi në rutinën e jetës metropolitane por edhe në vendin e punës, si dhe gjumi mund të jetë i vështirë pas pushimeve verore. Sipas ekspertëve, kjo sindromë nuk është një sëmundje tipike, por një çrregullim i humorit që shkakton simptoma të ngjashme me stresin, ndjenja ankthi dhe në rastin më të keq depresion.

Zakonisht shfaqet kur pas një periudhe pushimi, individi nuk është në gjendje të rifillojë punën dhe as t’u përgjigjet të gjitha angazhimeve të jetës së tij të përditshme apo profesionale.

Në varësi të personit, mjedisit të tij, origjinës dhe situatës së tij profesionale, sindroma do të paraqesë simptoma të caktuara, dhe në një mënyrë pak a shumë intensive. Kohëzgjatja ndryshon sipas individit dhe rrethanave të veçanta. Zakonisht duhen 2-3 javë që trupi të rikthehet në rutinën dhe orarin e tij normal. Dhe ja cilat janë simptomat kryesore.

Stres apo ankth

Sindroma e kthimit nga pushimet/ Cilat janë simptomat dhe si ta

Stresi dhe ankthi, janë dy simptoma shumë të zakonshme pas rikthimit në punë nga një periudhe të gjatë pasiviteti. Edhe njerëzit që nuk preken nga ky çrregullim, mund të përjetojnë zakonisht stres kur u rikthehen aktiviteteve të tyre të përditshme. Është e rëndësishme të organizoheni mirë, dhe nëse është e mundur, të riktheheni ngadalë te një ritëm normal i jetës.

Lodhje

Sindroma e kthimit nga pushimet/ Cilat janë simptomat dhe si ta

Është normale që pas disa ditësh, në të cilat aktiviteti ka qenë shumë më i ulët nga sa është mësuar trupi ynë, lodhja të shoqërojë ditët e para të rikthimit te përditshmëria. Për ta kapërcyer atë, është e rëndësishme të vendosni orare gjumi të tilla që t’ju lejojnë të pushoni sa duhet.

Çrregullime të gjumit

Sindroma e kthimit nga pushimet/ Cilat janë simptomat dhe si ta

Në rast se nuk përpilohet një program për rikthimin te veprimet e përditshme, atëherë mund të keni edhe probleme me gjumin. Sepse gjatë pushimeve tuaja mund të keni fjetur më vonë në mbrëmje, ndaj tani duhet të rrisni gradualisht ritmin.

Këshilla të dobishme

Sindroma e kthimit nga pushimet/ Cilat janë simptomat dhe si ta

Thelbi qëndron te planifikimi dhe parandalimi. Kështu, është e rëndësishme të mos riktheheni në punë që ditën e nesërme pas kthimit nga pushimet, por t’i jepni vetes disa ditë për t'u organizuar. Është gjithashtu e dobishme të planifikoni një fundjavë pa asnjë angazhim, shëtitje me familjarët, pushime medituese apo seanca masazhi.

Po ashtu këshillohet që t’u riktheheni orëve të zakonshme të ciklit të gjumit, dhe të merreni me një aktivitet fizik të moderuar. Pasi t’i riktheheni punës, duhet t’i jepni vetes kohë për t’u përshtatur. Mos merrni përsipër të gjitha projektet në të njëjtën kohë, duke vendosur prioritete bazuar në rëndësinë e tyre, në mënyrë që të mos e mbingarkoni veten dhe të parandaloni stresin që t’ju shoqërojë në ditët e para pas kthimit në punë.

Për këtë arsye, kur të ktheheni nga pushimet është gjithashtu e rëndësishme që të lini pezull disa angazhime të vogla. Relaksimi dhe meditimi mund t’ju ndihmojnë gjithashtu të ktheheni në rutinën tuaj:sigurohuni që të keni kohë për veten tuaj dhe të bëni aktivitetet që ju pëlqejnë.

Ndihmë nga pelteja mbretërore dhe xhingeri peruan

Sindroma e kthimit nga pushimet/ Cilat janë simptomat dhe si ta

Zakonisht kur shkojmë me pushime ndryshojmë planet dhe dietën ushqimore. Për këtë arsye, është gjithashtu shumë e rëndësishme rikthimi tek një dietë e shëndetshme dhe e ekuilibruar.

Disa përbërës si pelteja mbretërore dhe xhinxheri peruan, mund të kompletojnë dietën dhe të bëhen aleatë të mëdhenj në sigurimin e energjisë së duhur. Përveç kësaj, produkte të tjera si propolisi dhe vitamina E, mund ta ndihmojnë gjithashtu trupin të jetë gati të përballojë rutinën pa e ulur energjinë dhe gjallërinë gjatë ditës./ Përshtatur nga CNA