LEXO PA REKLAMA!

SHKARKO APP

Shtohen rastet me kancer gjiri/ Shifrat alarmante në dy fshatra të juglindjes

5 Tetor 2023, 12:48, Shëndeti CNA
Shtohen rastet me kancer gjiri/ Shifrat alarmante në dy fshatra të
Mjekja onkologe, Jusilda Dervishi

Këtë vit është vërejtur një numër i shtuar i rasteve me kancer gjiri.

Këtë e konfirmon mjekja onkologe, Jusilda Dervishi, në Korçë. Ajo tregon se përgjithësisht ka më shumë raste që vijnë nga zonat rurale.

“Vihet re një numër i shtuar i të diagnostikuarve këtë vit me kancer gjiri. Janë rreth 53 raste 49 prej të cilëve femra dhe 3 meshkuj. Aktualisht janë duke u trajtuar me kimioterapi në shërbimin e kimiotrapisë në spitalin e Korçës. Përgjithësisht ka më shumë raste që vijnë nga zonat rurale. Pojani dhe Zëmblaku janë dy fshatrat prej nga kemi më shumë raste, ndoshta ka lidhje edhe me faktin se kanë një numër më të madh popullate krahasuar me fshatrat e tjera”, tha Dervishi.

Së fundmi ka pasur një ndërgjegjësim nga njerëzit pasi bëjnë ekzaminime më të shpeshta seç kanë bërë vite më parë.

“Numri i lartë i rasteve ka lidhje më shumë me faktin që vijnë për t’u diagnostikuar dhe për faktin që janë ndërgjegjësuar dhe bëjnë ekzaminime më të shpeshta seç kanë bërë vite më parë pasi vitet më përpara nuk ka pasur ekografi, mamografi të cilat aktualisht janë. Kemi ekografi në poliklinikë dhe në spital, është duke u bërë edhe mamografia e lëvizshme dhe mamografia e poliklinikës”, tha Jusilda Dervishi.

Sa i përket trajtimit të të prekurve nga kanceri mjekja thotë se është bërë në mënyrën e duhur dhe nuk kanë munguar trajtimet.

“Trajtimi është i plotë, kimiopreparatet i kemi pasur të gjitha, nuk kemi pasur mungesa për pacientët me kancer gjiri dhe të sëmundjeve të tjera tumorale. Ne nuk kemi pasur probleme për mjekimet e domosdoshme për këta pacientë.  Muaji i ndërgjegjësimit nuk është vetëm tetori, por zonjat duhet të jenë të ndërgjegjshme që ekoja duhet bërë gjithë kohës dhe mamografia të paktën një herë në vit për zonjat mbi 40 vjeç dhe ekografi një herë në 6 muaj për moshat mbi 20 vjeç deri në moshat 75 vjeç", u shpreh Jusilda Dervishi, onkologe./ CNA

Lajmet e fundit nga