Mashtrimi me paradiabetikët/ Çfarë duhet pasur kujdes?

18 Shkurt 2026, 15:36, Shëndeti Altin Joka

Në vitin 2001, bota kishte nevojë të madhe për një gjendje të re kronike që kërkon mjekim... ky ishte rezultati i mbledhjes së disa kompanive farmaceutike...

Pra, duheshin gjetur metoda për t’i futur në sistemin e ilaçeve edhe grupet afër kufijve të rekomanduar.

Mjekët deri atëherë hezitonin t’i trajtonin këto kushte dhe pacientët nuk shqetësoheshin mjaftueshëm për to. Një pjesë në Shoqatën Amerikane të Diabetit (ADA) u mblodhën gjatë drekës për të gjetur një zgjidhje të përshtatshme, të frikshme.

Produkti i ideve ishte "Prediabeti". I emocionoi ata aq shumë sa që menjëherë pas drekës ata "... eliminuan 'glukozën e dëmtuar të agjërimit' dhe 'tolerancën e dëmtuar të glukozës' dhe zëvendësuan me 'prediabetin' në të gjithë literaturën tonë", siç kujtoi Richard Kahn, atëherë shefi shkencor dhe mjekësor i ADA-s.

Tani çfarë lidhje ka ADA me industrinë? A duhej kjo shoqatë botërore të mbronte shëndetin e njerëzve?

Ndërsa ADA është një organizatë jofitimprurëse, financuesit kryesorë të saj janë kompanitë e barnave:

Abbott, Bayer, Roche, Lilly, Novo Nordisk dhe Sanofi, secila dhuron më shumë se 1 milion USD në vit, dhe Merck dhe Xeris më shumë se 500 mijë.

E ndikuar nga industria? Si mund ta mendosh këtë?!

Epo, ndoshta sepse shtatë nga 14 ekspertët dhe mjekët që shkruajtën standardet e ADA 2018 të kujdesit për 'prediabetin' morën më shumë para nga industria sesa shumë diabetikë që marrin rrogë nga punëdhënësit e tyre:

41,000 deri në 6.8 milionë dollarë midis mesit të 2013 dhe 2017 nga prodhuesit e pajisjeve ose ilaçeve kandidate për diabetin.

Pagesat mbulonin këshillimin, udhëtimin dhe kërkimin dhe përfshinin mesatarisht 276,000 dollarë për tarifat personale. Këto standarde të kujdesit rekomandojnë që mjekët të marrin në konsideratë përshkrimin e barnave si pioglitazone, exenatide dhe liraglutide, dy të fundit që janë agonistë (të shtrenjtë) të receptorit GLP-1 si Ozempic/Semaglutide.

Emri prediabet sugjeron se ai çon në diabet, por ideja që nivelet e sheqerit në gjak do të rriten në mënyrë të pashmangshme nuk mbështetet nga provat shkencore.

Një rishikim i Cochrane hetoi mundësinë e përparimit nga hiperglicemia e ndërmjetme prediabetike në diabet.

Një nga gjetjet e meta-analizës së tyre prej 457 faqesh përmbledh të dhënat nga 103 studime.

Siç u pa në studime, më shumë se 40% e prediabetikëve u kthyen në statusin normal të sheqerit në gjak, pa asnjë ilaç.

Më pak se 30% e para-diabetikëve përparuan drejt diabetit, por jo aq sa të quheshin diabetikë sipas kufirit të analizave.

Kjo do të thotë, shtatë nga çdo dhjetë persona të diagnostikuar si paradiabetikë NUK do të zhvillojnë DIABET gjatë 10 viteve të ardhshme.

Pra miq, PREDIABETI që dëgjoni kudo nuk ekziston, madje nuk ka nevojë për asnjë ndërhyrje. Kudo më pyesin për analizat që më tregojnë se janë afër kufirit dhe mjekët u thonë "je PREDIABETIK". Ky është mashtrim i pastër të fillosh e të përgatitesh për të marrë ilaçe.

Nga ana tjetër, kompanitë e suplementeve po i bëjnë presion dhe po mundohen të lobojnë tek FDA për të marrë një vulë për suplementet e PREDIABETIKËVE.

Ndaj kujdes, mundeni strategjinë e drogës së ilaçeve që kërkon me çdo kusht, nëpërmjet mjekëve, t’ju imponojë ilaçe dhe t’ju mbushë mendjen se ju jeni PREDIABETIKË. Ky është mashtrim...