web counter
LEXO PA REKLAMA!

SHKARKO APP

App Store
Google Play

E fundit!

x

'E shtuna e shpirtrave'/ Mënyra e thjeshtë për të përgatitur kolivën

13 Shkurt 2026, 20:18, Shëndeti CNA

'E shtuna e shpirtrave'/ Mënyra e thjeshtë për të

Dita e nesërme shënon “Të Shtunën e Shpirtrave" për besimtarët orthodoksë.

Një ditë që i përkushtohet lutjes përkujtimore për shpirtrat që kanë ndërruar jetë në kishë, e më pas edhe në varreza.

Në një ditë të tillë është traditë përgatitja e grurit të zier ose siç njihet ndryshe Kolivës.

Recetë për përgatitjen e grurit të zier (Kolivës)

Përbërësit e nevojshëm:

1- Grurë 1 kg

2- Arra të shtypura 2 filxhanë çaji

3- Sheqer 1 filxhanë e gjysmë çaji

4- Kanellë pluhur 2 lugë kafeje

5- Majdanoz (nqs duam) dy lugë buke

6- Rrush të thatë hollë 1/2 filxhanë çaji

7- Sheqer pluhur 1 filxhanë çaji

8- Bukë e thekur ose biskota 2 filxhanë çaji (ose në varësi të lagështirës që ka gruri).

Përgatitja:

1- E vendosim grurin në tenxhere dhe e mbushim me ujë 4-5 gisht mbi grurin.

2- E lemë të zieje për 20 minuta (derisa kokrrat e grurit të jenë zbutur).

3- Mbas zierjes ashtu sic është me ujë të nxehtë e mbledhim tenxheren me batanije dhe e lemë për një orë. Pastaj e marrim grurin dhe e kullojmë.

4- Mbasi ka kulluar gruri, e vendosim në një tepsi dhe e përgatisim.

5- Për të thithur lagështirën e grurit i hedhim bukë të thekur të bluar. Mund t’i hedhim grurit edhe rrushë të thatë, arra, bajame, kanellë për aromë, borzilok dhe sheqer pluhur.

6- Vendosim grurin në pjatancë, e mbulojmë me sheqer pluhur dhe e zbukurojmë duke i bërë një kryq lart./CNA





Lajmet e fundit nga