web counter
LEXO PA REKLAMA!

SHKARKO APP

App Store
Google Play

Vrasja e trefishtë/ Alibeaj fajëson Qeverinë: Provë se i është dorëzuar krimit

17 Korrik 2022, 17:18, Politikë CNA
Vrasja e trefishtë/ Alibeaj fajëson Qeverinë: Provë se i
Deputeti Enkelejd Alibeaj

Shqipëria u trondit sot nga një atentat me tri viktima në mbikalimin e Fushë-Krujës. Lidhur me këtë ngjarje ka reaguar deputeti Enkelejd Alibeaj.

Me anë të një statusi në rrjetet sociale, Alibeaj fajëson Qeverinë dhe thotë se vrasja e trefishtë është prova e radhës se shteti u është dorëzuar bandave dhe krimit.

Ai deklaron se asnjë justifikim i asnjë ministri nuk vlen përballë pasigurisë së jetës së shqiptarëve, teksa pretendon se bandat po sfidojnë hapur shtetin.

"Vrasja e trefishtë në mes të rrugës nacionale në Fushë-Krujë, është prova e radhës se shteti i është dorëzuar krimit dhe bandave të cilat janë sponsorizueset më të mëdha të pushtetit të Rilindjes që me armë e para të pista blenë e grabitën votat e shqiptarëve.

Asnjë justifikim i asnjë ministri nuk vlen sot përballë pasigurisë së jetës së shqiptarëve. Bandat sot sfidojnë haptas atë që mund të konsiderohet shtet, nuk njohin pushtetin e policisë duke e shndërruar Shqipërinë një vend nën pushtetin e terrorit kriminal.

Shqiptarët e kanë të qartë se kjo qeveri jo vetëm është përgjegjëse për llumin kriminal ku është zhytur vendi, sikundër segmente të saj janë bashkëpunëtore të afërta me bandat kriminale. Pas çdo skandali të kësaj qeverie fshihet nje bandit që është pasuruar me fonde publike. Pas çdo procesi elektoral fshihen banda që kanë blerë vota për llogari të Edi Ramës. Kjo situatë e rënduar por dhe e denoncuar rast pas rasti nga PD kërkon hetim të plotë dhe të thelluar të çdo krimi si i sotmi. Nuk duhet shumë për të kuptuar se tentakulat e pushtetit janë sot të shtrira në çdo ngjarje kriminale. Sikundër largimi i Edi Ramës që erdhi në pushtet dhe e mban atë me bandat është rruga e vetme për të shpëtuar shqiptarët dhe Shqipërinë nga kriminalizimi", shkruan Alibeaj./ B.A. - CNA.al





Lajmet e fundit nga