LEXO PA REKLAMA!

SHKARKO APP

Vendimi i DASH/ Duma: Berisha e fitoi betejën për dinjitet…

18 Qershor 2022, 18:47, Politikë CNA
Vendimi i DASH/ Duma: Berisha e fitoi betejën për dinjitet…
Deputetja e Partisë Demokratike, Grida Duma

Deputetja e Partisë Demokratike, Grida Duma, është pyetur pasditen e sotme lidhur me vendimin e DASH për shpalljen “non grata” të ish-kryeministrit dhe kreut të PD-së, Sali Berisha.

Duma tha se nuk mund të gjykojë vendimet e DASH, por theksoi në emisionin “Kjo Javë” se Berisha e fitoi betejën për dinjitet në raport me demokratët.

“Politika është sa energji, është edhe lobim. Partia Demokratike ka pasur dhe e ka Sali Berishën aty. Mënyra sesi e ka është diskutimi sot. Unë nuk e di nëse ka një individ të vetëm që ka guxuar të mohojë se çfarë përfaqëson Berisha për PD, edhe për peshë e çdo gjë tjetër. Por mënyra sesi ai i vendoset PD-së, është  problemi ose zgjidhja.

Nuk e këshilloj dot është një vendimmarrje shumë individuale. Pati një betejë për dinjitet dhe e fitoi në raport me demokratët. Ky është fakt. Dikush tjetër do ishte tërhequr dhe do kërrusej nga pesha e goditjes që nuk është e vogël. Dhe DASH-i nuk mund të gjykohet si dosido, ai është i rëndësishëm për PD-në”, tha Duma./ B.A. - CNA.al

Lajmet e fundit nga