E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Veliaj vetëshpallet i pafajshëm/ “S’ka pengesë për të hapur garën për landfillin e Sharrës”

14 Tetor 2024, 22:48, Politikë CNA

Veliaj vetëshpallet i pafajshëm/ “S’ka pengesë

Kryebashkiaku i Tiranës, Erion Veliaj

SPAK ka mbyllur hetimet për dosjen e parë të inceneratorit të Tiranës, ndërsa janë thelluar hetimet për dosjet e tjera të megaaferës, për të cilën qeveria shqiptare ka paguar 129 milionë euro.

Për këtë megaaferë është nën hetim edhe kryebashkiaku i Tiranës, Erion Veliaj, i cili u mor në pyetje disa muaj më parë nga SPAK-u.

Pavarësisht se inceneratori i Tiranës është ende nën hetim dhe gjykim, Veliaj po tenton ta trajtojë aferën e shekullit si çështje të mbyllur.

KLSH e njoftoi/ Veliaj, në dijeni të vjedhjeve në inceneratorin e Tiranës
4 Gusht, 14:00
3 faktet që “zhytin” Veliajn tek afera e inceneratorëve
17 Qershor, 12:45

Nga televizioni i inceneratorëve, “Top Channel”, Veliaj është vetëshpallur i pafajshëm këtë të hënë.

Ai ka deklaruar se personat e përfshirë në aferë po përballen me drejtësinë dhe nuk ka asnjë pengesë për të hapur garën për menaxhimin e landfillit të Sharrës.

“Ne jemi një nga 5 klientët e gjithë asaj zonës së landfillit. Është Bashkia e Tiranës, Bashkia e Kamzës, Bashkia e Vorës, Bashkia e Kavajës dhe e Rrogozhinës, sjell dhe Durrësi. Kjo do të thotë që jemi një nga klientët, nuk jemi autoriteti që e menaxhon. Autoriteti që e menaxhon është Agjencia Shtetërore që varet nmga Ministria e Brendshme mos gaboj dhe po menaxhon atë aset.

Landfilli i Sharrës

Besoj që tani që edhe çështja ka shkuar për gjykim dhe është sqaruar shumë mirë cili është roli i bashkive, që bashkitë nuk kanë qenë pronare të inceneratorit apo ideatore. Kjo ishte një ide e Ministrisë së Mjedisit në atë kohë, bëri atë projekt, për të gjithë ata që kanë bërë gabimin në atë projekt ka një proces gjyqësor.

Ndërkohë, ajo që unë besoj dhe po arrij të kuptoj si një nga klientët dhe klienti kryesor në fakt i landfillit është që tani që çështja ka shkuar në gjykim dhe e gjithë procedura tashmë është hetuar unë besoj se nuk ka asnjë pengesë që të hapet një garë…”, ka theksuar Veliaj./ CNA