web counter
LEXO PA REKLAMA!

SHKARKO APP

App Store
Google Play

E fundit!

x

Kreu i demokratëve, Berisha: Qindra milionë euro vidhen në rrugët e vendit

13 Tetor 2024, 19:42, Politikë CNA
Kreu i demokratëve, Berisha: Qindra milionë euro vidhen në
Ish-kryeministri, Sali Berisha

Ish-kryeministri, Sali Berisha në daljen e tij të përnatshme nga dritarja e banesës së tij ka folur për ndërtimin e rrugëve, ku theksoi se me ardhjen e PD-së në pushtet do të ndërtohen rrugë të reja me çmime shumë herë më të ulëta.

Berisha tha se një pjesë e buxhetit që ishte planifikuar për ndërtimine  e rrugëve në Tiranë, është vjedhur nga Rama dhe oligarkët  e tij.

"Më lejoni pak të fillojmë së bashku këtu para jush të dëshmoj se ku do të mirren ato para.
Normale është të shtrohet kjo pyetje.
Së pari, Edi Rama e harron Ismailin. Kryeministri i ardhshëm do të udhëtojë vetëm si pasagjer në linjat tregtare. Ja ku i ndamë 20 milionë euro.
Ku do mirren ato para?
Të dashur miq!
Do mirren para së gjithash në qindra milionë euro që vidhen në rrugët e vendit.
Do të ju jap vetëm disa shembuj.
Rruga Orikum-Sarandë e keni parasysh e tëra në zonë shkëmbore-malore, 74 km është rikonstruktuar me 71 mln euro. Po sa janë rritur çmimet e ndërtimeve gjatë këtyre viteve?
Ato janë rritur 14%, asnjë qindarkë më shumë.
Pra rruga do të kushtonte sot 84 mln euro. Por rruga është e gjatë 74 km.
Të kthehemi pak këtu afër. Rruga Tiranë-Plepa nga Ndroqi është e gjatë 39 km. A mund të imagjinoni ju, se Edi Rama me Lubi Ballukun, kanë parashikuar nga 40 mln euro, që ishte ndërtimi, e kanë dyfishuar në 90 mln euro.
Miqtë e mi, në të gjithë botën kjo rrugë nuk kushton kurrë më shumë se 30 mln euro. Atëherë a mund ti heqim 60 mln euro nga kjo rrugë dhe na bëhen 80 mln nga udhëtimet e Ismailit të Edi Ramës.
Tjetër, atyre që bëjnë pyetjen se ku do ti gjejë Berisha lekët. Po. Ja këtu afër i kemi.
A e dini ju që rruga për tu shtuar me dy korsi, rruga Tiranë-Durrës, ishte parashikuar 190 mln. Lubi Balluku dhe Edi Rama e kanë çuar në 290 mln euro për të vjedhur. Por unë u them ju, se në asnjë vend të botës shtimi me dy korsi 34 km autostradë, nuk mund të shkojë kurrë më shumë se 50 mln euro.
Me 4 korsi janë ndërtuar autostradat, ndërtohen edhe sot në Kroaci me 1.2 mln euro.
Atëherë para, ata që thonë se ku do i gjejmë paratë, do të ua marrin ju o hajdutë.
Sepse vetëm në rrugën Tiranë-Durrës, ne do të kursejmë, duke e zgjeruar atë me standardet më të mira, do kursejmë 240 mln euro.
Pra u bënë së bashku me Ismailin e Ramës, 20 mln euro, me paratë e rrugës së Ndroqit u bënë gjithsej 320 mln euro."/CNA





Lajmet e fundit nga