web counter
LEXO PA REKLAMA!

SHKARKO APP

App Store
Google Play

E fundit!

x

Refugjatët, në Gjadër/ Rama, për “La Repubblica”: Asgjë emigrant s’mund të dalë nga kampi

13 Tetor 2024, 11:16, Politikë CNA
Refugjatët, në Gjadër/ Rama, për “La
Kryeministri Edi Rama

Javën që vjen pritet të vihet në funksion kampi për emigrantët në Gjadër të Lezhës, pas marrëveshjes së nënshkruar mes Shqipërisë dhe Italisë. Rreth 400 refugjatë do vendosen këtë kamp në fazën e parë.

Kryeministri Edi Rama ka folur për këtë marrëveshje në një intervistë të dhënë së fundmi për median italiane “La Repubblica”.

Kreu i qeverisë ka shprehur se qendrat për emigrantët nuk kanë asnjë lidhje me qeverinë shqiptare. I pyetur nëse është i shqetësuar se pakti mes dy vendeve mund të dështojë, kryeministri ka thënë se nuk ka ka asnjë arsye për t’u shqetësuar dhe kjo do të ndodhë vetëm nëse do ketë arsye apo atëherë kur Italia do të kërkojë që të ndajnë shqetësimin. Rama bën të qartë se marrëveshja nuk parashikon që emigrantët të largohen nga kampet dhe të lëvizin lirshëm, pasi në raste të tilla do të ndërhyjnë forcat shqiptare të sigurisë. 

"Në të vërtetë, jam shumë i qetë, sepse marrëdhënia mes Italisë dhe Shqipërisë, gjatë këtyre dekadave, më ka mësuar se kur Shqipëria duhet të shqetësohet, nuk është kurrë vetëm. Falë Italisë, para së gjithash", ka deklaruar ai.

I pyetur se disa vende evropiane duan të kopjojnë marrëveshjen Itali-Shqipëri, kryeministri ka theksuar:

“Mund të jetë e përsëritshme, por së pari do të më duhej të kuptoja se kush është çifti tjetër de facto në Evrop, i përbërë nga një shtet anëtar i BE-së dhe një shtet evropian që ende nuk është anëtar i BE-së: për momentin e kam të vështirë ta shoh. Qendra ishte planifikuar të hapej më 1 shtator, por për shkak të vonesave në punime është shtyrë deri më sot”.

Marrëveshja me Italinë për emigrantët u nënshkrua në muajin nëntor të vitit të kaluar mes Kryeministrave Rama Meloni dhe më pas u ratifikua nga të dyja parlamentet./ CNA





Lajmet e fundit nga