web counter
LEXO PA REKLAMA!

SHKARKO APP

App Store
Google Play

Topalli: Berisha mbahet i arrestuar për të dëmtuar forcën opozitare

3 Shtator 2024, 20:51, Politikë CNA
Topalli: Berisha mbahet i arrestuar për të dëmtuar forcën
Ish-kryeparlamentarja Jozefina Topalli

Ish-kryeparlamentarja Jozefina Topalli, në tubimin para banesës së ish-kryeministrit Sali Berisha, hodhi akuza ndaj qeverisë.

Topalli tha se Berisha po mbahet i arrestuar për të dëmtuar forcën opozitare.

Sipas saj, Berishës i kanë hedhur bomba, grushte dhe i kanë bërë padrejtësi.

“Një shqiptar që mendon për kombin e familjen, që ka ndërgjegje shoqërore do reagojë pafundësisht. Të parët që kanë reaguar jeni ju që po protestoni sot. Keni qëndruar duke dhënë mesazhin e jashtëzakonshëm për çdo qytetar që shikon përtej dritares së Berishës.

Banorët në Thumanë- Kashar kanë dalë me kurajo se ndihen të përjashtuar për të drejtën e tyre, as Enver Hoxha s’e ka bërë. Jetojmë në momentet kur Drejtori i Policisë bashkëpunon me krimin. Investitor strategjik shpallesh kur paguan për vrasje.

Kryetari i opozitës mbahet i arrestuar, me qëllim për të dëmtuar një forcë opozitare. I vetmi që ka guxuar të përballet me krimin. Kjo s’ndodh në asnjë vend të NATO-s dhe ku protestohet në liri. Rezistencë unike, s’ka ndodhur kurrë kjo rezistencë në këtë rast. Ndodh sepse qenia shoqërore reagon ndaj padrejtësisë. Ndaj Berishës kanë hedhur bomba, grushte, çdo gjë, e tani duan ta mbajnë në arrest. Nga arresti inkurajon e jep mesazhe për secilin prej nesh”, theksoi Topalli./ CNA

 





Lajmet e fundit nga