web counter
LEXO PA REKLAMA!

SHKARKO APP

App Store
Google Play

Veliaj kallëzohet në SPAK/ PD: Ndihmoi kompaninë e ortakut të Xhafajt t'u shmangej taksave

3 Shtator 2024, 15:51, Politikë CNA
Veliaj kallëzohet në SPAK/ PD: Ndihmoi kompaninë e ortakut
Kryebashkiaku i Tiranës, Erion Veliaj

Një tjetër kallëzim është dorëzuar në SPAK për kryebashkiakun e Tiranës, Erion Veliaj.

Kallëzimin e ka bërë këtë të martë anëtarja e Komisionit të Apelimit në PD, Adriana Kalaja.

Kalaja deklaroi se kryebashkiaku ka shkelur hapur ligjin duke ndryshuar Planin e Detajuar Vendor për ndërtimin në ish-Uzinë.

"Kemi denoncuar aferën korruptive të Veliajt në bashkëpunim me kryetaren e Këshillit Bashkiak, Fatmir Xhafajn, ortakun e shoqërisë Arlis SHPK, Fusha SHPK dhe të çdo personi tjetër të paidentifikuar prej nesh që kanë lidhje në këtë aferë kriminale.

Çdo subjekt i cili pajiset me lejen e ndërtimit ka disa detyrime ndaj Bashkisë së Tiranës për të paguar, por na rezulton që Bashkia Tiranë haptas duke dëmtuar buxhetin operon me dy standarde. Gjatë PDV-së së parë dalin ndryshime nga PDV-ja e dytë, e cila sjell dëmtime të jashtëzakonshme në buxhetin e Tiranës.

Shembulli i ndërtimeve që janë bërë tek ish-Uzina ku ishte dhe ndërtesa e Policisë Bashkiake dhe ka pasur një sipërfaqe të konsiderueshme që ka qenë e gjithë sip. e truallit dhe PDV e parë e nxjerr ndërtimin 7-8 kate. Bazuar në këto kate subjekti ndërtues Arlis SHPAK që është kunati i deputetit Fatmir Xhafaj paguan detyrimin e 3% të banesave sociale, 8% e taksës së ndikimit në infrastrukturë dhe taksën e përkohshme të ndikimit në arsim.

Pasi bëhen kontratat Bashkia e Tiranës nxjerr një PDV të dytë duke shtuar lejen e ndërtimit nga 8 në 11 kate. Për një sipërfaqe 8000 m2 i vidhen buxhetit të bashkisë të tria taksat dhe ne i kemi bërë një pyetje SPAK-ut se sa është dëmi i shkaktuar në buxhetin e bashkisë nga kjo megavjedhje", theksoi Kalaja./ CNA





Lajmet e fundit nga