web counter
LEXO PA REKLAMA!

SHKARKO APP

App Store
Google Play

Kontratat për transparencë në bashki/ Teliti: Veliaj vetëm ka vjedhur

3 Shtator 2024, 11:08, Politikë CNA
Kontratat për transparencë në bashki/ Teliti: Veliaj vetëm
Dorian Teliti

Para godinës së Bashkisë së Tiranës, nënkryetari i Këshillit Bashkiak, Dorian Teliti, bëri publike kërkesat e këshilltarëve të opozitës për transparecë të shpenzimeve të bashkisë. 

Teliti tha se kanë shkuar për të kërkuar informacion për 3 shkresa të drejtuara Bashkisë së Tiranës, një detyrë kushtetuese të cilën Erion Veliaj nuk përgjigjet.

Shkresat e anëtarëve të opozitës kishin të bënin me dy marrëveshjet e lidhura me kompaninë gjermane dhe angleze për të përmirësuar transparencën në bashki. 

Sipas Telitit, është e qartë se pas këtyre kontratave qëndrojnë vetëm vjedhjet. 

"Pse nuk përgjigjet Erion Veliaj për tri shkresat tona? Cilat ishin ato konkretisht? Ishin dy marrëveshje që Veliaj lidhi me kompaninë gjermane dhe angleze për të përmirësuar sistemet e transparencës, tha vetë Erion Veliaj këtu në Bashkinë e Tiranës. Ndërkohë që ai vetë refuzon të bëjë transparente vetë këto marrëveshje. Si është e mundur që ai vazhdon të tallet edhe në vitin 2024 me këtë nivel me qytetarët dhe më të zgjedhurit në Bashkinë e Tiranës. Kush është ky që tallet? Ai ka detyrim të japë përgjigje; Sa kanë kushtuar këto marrëveshje? Sa është afati i këtyre marrëveshjeve? Çfarë pasojash do të kenë këto marreveshje për taksapaguesit...? Një tjetër kërkesë ishin raportet e auditimit të viteve të fundit, të cilat sipas ligjeve duhet të ishin të publikuara në faqen e Bashkisë së Tiranës, por nuk gjenden. Zero transparencë. Tjetër kërkesë e jona ishin dy çerdhet. Erion Veliaj i mori me qira 9 mijë euro në muaj me qira në muaj secilën. I kërkuam kontratat, si është e mundur që në përiferi merren me 13-15 euro metri me qira? Ndërkohë që nuk i gjen as në qendër të Tiranës, jo më në periferi. Është vjedhje e hapur. Është e qartë se pas këtyre kontratave qëndrojnë vetëm vjedhjet. Opozita do ta bëjë transparencën me çdo mënyrë. Ne jemi në krye të detyrës dhe bërjen e transparencës do ta arrijmë", - tha Teliti./CNA 





Lajmet e fundit nga