Sa parti opozitare do të kandidojnë në zgjedhjet parlamentare?

3 Shtator 2024, 18:57, Politikë CNA

Në zgjedhjet e ardhshme pritet që të kenë për herë të parë disa parti opozitare që kandidojnë më vete.

Në zgjedhjet e mëparshme kanë qenë dy koalicione opozitare, siç ka qenë në vitin 2009, ku LSI dilte më vete me një grup partish, në atë kohë edhe LZHK-ja.

Kështu vazhdoi në 2013-ën dhe në 2017-ën, opozita ishte sërish e ndarë në zgjedhjet e 2021-shit, por zgjedhjet parlamentare të 2025-ës do na japin numrin më të madh të koalicioneve dhe partive opozitare që kandidojnë përballë Partisë Socialiste.

Selia e PS-së

I pari koalicion opozitar është ai i drejtuar nga PD-ja, ku pritet të përfshihen edhe disa parti të tjera të djathta aleate dhe besnike rreth Sali Berishës.

Një parti tjetër është “Mundësia” e Agron Shehajt, një parti e re nga një ish-deputet i PD-së, “zbulim” i Lulzim Bashës.

Sa parti opozitare do të kandidojnë në zgjedhjet parlamentare?

Agron Shehaj

Gjithashtu pritet të dalë një parti nga një grup të inatosurish, të cilët, përveç Berishës, nuk duan më as Lulin në partinë e tyre. Kjo parti duket se po udhëhiqet nga Enkelejd Alibeaj dhe disa ish-mbështetës të Berishës apo Bashës, të cilët janë me mendjen e tyre, kundër të dy ish-liderave që iu kanë shërbyer.

Një parti tjetër opozitare është ajo e ish-kreut të PD-së për 8 vite, Lulzim Basha. Pasi dështoi me logon e PD-së për ta sjellë në pushtet, pasi e futi në konflikt, e përçau dhe e copëtoi, Luli pritet të dalë me partinë e tij që pritet të quhet Partia Demokratike Euroatlantike.

Lind partia e re e Lulzim Bashës/ Ja si do të quhet
8 Korrik, 13:51

Janë disa parti të tjera të spektrit opozitar, të cilat ende nuk janë treguar të qarta se cilin pozicion do të mbajnë, me kë do të renditen, me Berishën, me Bashën, me Alibeajn, do të bëhen disa parti më vete, një koalicion me Agron Dukën, pritet të mbajë një pozicion Dash Shehi, PDIU e Shpëtim Idrizit duket më pranë qeverisë. Deri më tani duket se do të garojë dhe kjo parti më vete, që mandatet në fakt i siguroi si parti në koalicion me PD-në e Lulzim Bashës.

PL dhe PBDNJ duken më afër Sali Berishës, ku të njëjtat qëndrime shihen edhe nga LZHK-ja e Ekrem Spahisë.

Sali Berisha

Një rrëmujë e madhe në kampin e opozitar, ku të gjithë janë mbledhur para portës dhe duan të gjuajnë topin me portë bosh, duke u grindur se kujt i përket topi i sfilitur i llastikut opozitar.

Një tufë me parti, një mal me kryetarë, disa të vërtetë, disa gjoja opozitarë që thjesht dhe vetëm kërkojnë të qëndrojnë në politikë me hundë dhe inatet e tyre dhe në fund duke u grindur për të gjuajtur topin e kuptojnë se porta bosh është porta e tyre. Kanë shënuar autogolin e radhës dhe me gjithë këtë marrëzi thjesht i shërbejnë Edi Ramës./ CNA