web counter
LEXO PA REKLAMA!

SHKARKO APP

App Store
Google Play

Shehi zbulon prapaskenat/ Javën tjetër krijohet grup i ri politik

3 Shtator 2024, 20:10, Politikë CNA
Shehi zbulon prapaskenat/ Javën tjetër krijohet grup i ri politik
Dashamir Shehi

Dashamir Shehi i LZHK-së ka zbuluar prapaskenat politike, në lidhje me koalicionet e partive për zgjedhjet parlamentare të 2025-ës.

Shehi tha në një dalje televizive se disa parti opozitare do të krijojnë një grup të ri politik për të mbledhur elektoratin gri.

“Unë them që ka ardhur dita që të gjejmë një formulë dhe brenda opozitës shqiptare të krijohet një grup tjetër, një alternativë tjetër, që të gjejmë një shteg të ri politik, për të mbledhur me mijëra qytetarë që rrijnë në shtëpi dhe nuk mund të identifikohen më me grupin e Rithemelimit. Kjo është detyra dhe unë mendoj se është e vetmja formulë po deshëm të shkojmë në pushtet”, u shpreh ai.

I pyetur për deputetët që do t’i bashkohen këtij grupi, Shehi nuk pranoi të bëjë publikë emra, por zbuloi se koalicioni do të bëhet zyrtar javën e ardhshme.

“Që të mos nxisim thashetheme, javën tjetër kjo do të bëhet zyrtare. Mund të jenë 6-7, mund të shkojnë 10, do ta shikojmë. Unë nuk kam qejf jo emri i këtij, jo emri i atij. Ky është një grup i natyrës politike, nuk ka lidhje me grupet tradicionale”, theksoi ai./ CNA





Lajmet e fundit nga