web counter
LEXO PA REKLAMA!

SHKARKO APP

App Store
Google Play

E fundit!

x

Tani pritet të dalë lali me biçikletë

15 Shkurt 2024, 13:03, Politikë CNA
Tani pritet të dalë lali me biçikletë
Erion Veliaj

Sot në Tiranë ka mbërritur Sekretari Amerikan i Shtetit, zoti Antony Blinken. Një vizitë patjetër historike, një ngjarje politike diplomatike. Vizitat e sekretarëve të shtetit nuk janë të rastësishme dhe nuk ndodhin shumë shpesh. 

Në Shqipëri kanë ardhur rreth gjashtë sekretarë amerikanë të shtetit, por rasti i veçantë i Blinken-it është sepse ai është personi që ka firmosur "non grata"-n për ish-kryeministrin e vendit, Sali Berisha, 8 vite pasi ai ishte larguar nga detyra. 

Debate dhe qëndrime të forta ndaj tij, nga politika, nga opozita, por gjithsesi është Sekretari Amerikan i Shtetit dhe është një pikë e rëndësishme referimi për diplomacinë botërore dhe në Shqipëri, të qenit i këtij vendi të vogël aleat i SHBA-së është një tjetër tregim që bën diplomacia amerikane për rëndësinë që i jep partneritetit me vendin tonë. 

Por, të gjitha këto qasje politike, diplomatike dhe mediatike kanë edhe një detaj.

Pritet me ankth a do ta takojë Erion Veliaj, sekretarin Blinken, pasi ai ka konfirmuar në agjendë takimet e tij me kreun e SPAK-ut, Altin Dumani, kryeministrin Edi Rama, presidentin Bajram Begaj, me studentë të Fulbright apo edhe me përfaqësues të ambasadës. 

Por kush ka dyshim, duhet të dalë rreth Piramidës, dhe ta shohë Lalin, a po vjen vërdallë me biçikletë apo në kohën kur ai do shkojë atje të takojë studentët e projektit Fulbright.

Tani pritet të dalë lali me biçikletë
Erion Veliaj

Kështu ka ndodhur me lalin edhe kur erdhi në Shqipëri Oliver Varhelyi, komisioneri i Zgjerimit për BE-në. Në agjendën e takimit, lali nuk ishte përfshirë, por Veliaj mori biçikletën e shkoi para muzeut dhe u shfaq atje gjoja rastësisht për të kapur një "selfie". 

Tani pritet të dalë lali me biçikletë
Oliver Varhelyi dhe Erion Veliaj

Kështu ka për të ndodhur edhe me zotin Blinken. Lali do të shkojë me biçikletë andej nga Piramida, ose do të hyjë brenda në takim, në një cep do t'i japë dorën dhe 100 fotografë do të bëjnë garën kush e ka bërë foton më të bukur. 

Tani pritet të dalë lali me biçikletë
Oliver Varhelyi dhe Erion Veliaj

Fotoja e lalit mund të bëhet paraprakisht, edhe në këto momente, pasi ka shumë gjasa që ai të dalë disa orë para për të ardhur rreth e rrotull Piramidës për të kapur një "selfie "me zotin Blinken./CNA





Lajmet e fundit nga