web counter
LEXO PA REKLAMA!

SHKARKO APP

App Store
Google Play

E fundit!

x

Rritja e pagave të "Kushtetueses", Berisha: Alibasha votoi për rrogën e gruas

22 Shtator 2023, 13:12, Politikë CNA

Rritja e pagave të "Kushtetueses", Berisha: Alibasha votoi

Ish-kryeministri Sali Berisha ka hedhur akuza ndaj kreut të partisës së "vulës", Lulzim Basha, në lidhje me votimin e ligjit për rritjen e pagave të Gjykatës Kushtetuese. Berisha u shpreh se pa votat e Alibashës, ligji nuk kalonte.  

Sipas Berishës, Alibasha votoi për rrogën e gruas. 

"Dita e djeshme u karakterizua nga shfaqje të shëmtuara në parlament. Nga përpjekje të hapura, siç e konstatuat ju, të Edi Ramës, për të caktuar kryetarin e grupit parlamentar. Për të shkelmuar ligjin themelor të parlamentit. Për të caktuar përfaqësuesit e opozitës, bashkëkryetarin e opozitës në komisionin zgjedhor. Dhe kush, thoni ju? Kë do mbante? Burrin që voton për rrogën e gruas. Të votosh për rrogën e gruas nuk ka gjë të keqe. Por të votosh për rrogën e gruas, sa 117 pensionistë... Po do thoni ju, çfarë i mbetet këtij njeriu? Ky është i zhveshur nga çdo lloj brumi njerëzor. Pa votat e Alibashës, ligji nuk kalonte. Problemi është se po blihen, është pazari i votave për të vendosur një standard që nuk ekziston kurrë në botë. Ata janë 9 veta. Nuk është problemi i shumës, por i moralit dhe parimit që shkelmohet në mënyrën më të tmerrshme se kjo është aktblerje i Gjykatës Kushtetuese. Ajo gjykatë ka një rëndësi kapitale për mbrojtjen e kushtetutshmërisë së vendit. Me këtë rrogë, Edi Rama kërkon ta blejë përfundimisht, ta shndërrojë në një noter të mefaaferave të tij. Dhe kjo është e tmerrshme. Kësaj radhe gjithçka është bërë në zyrën e Don Agaçios dhe Edi Ramës. Asgjë nga parlamenti. Dhe ka ardhur direkt nga zyra e Edi Ramës blerja e noterëve kushtetues dhe kjo është goditje e tmerrshme e sistemit", u shpreh Berisha. / CNA

 





Lajmet e fundit nga