LEXO PA REKLAMA!

SHKARKO APP

Rikthehen marrëveshjet Basha-Rama/ Skenaret pas skutave të errëta

22 Shtator 2023, 11:35, Politikë CNA

Rikthehen marrëveshjet Basha-Rama/ Skenaret pas skutave të errëta

Përfaqësuesi ligjor i PD-së së Sali Berishës, Ivi Kaso, ka zbuluar lojën e Lulzim Bashës me mazhorancën dhe skenaret pas skutave të errëta, për Reformën Zgjedhore. 

Sipas Kasos, Basha po kërkon të marrë një zonë më të madhe zgjedhore që të shtojë numrin e deputetëve dhe listat e hapura dhe në këmbim mazhoranca do t’i kërkojë atë që nuk e ka pasur në dy reformat e fundit zgjedhore, “Primin”, rolin kryesor.

Kaso thotë se për mazhorancën kjo është një karamele e rrezikshme për ta mikluar duke thënë ta njohë si interlokutor e duke përjashtuar 40 apo më shumë deputetë nga ky ushtrim i përbashkët dhe më pas t’i hapë rrugën për ndryshimin e Kushtetutës si dhe planifikimi i të tjera planeve në bashkëpunim me mazhorancën.

Sot kemi atë që e quan veten kryetar të PD që ka dalë në një konferencë të nxituar, në këndvështrimin tim, si e shoh unë, për të vënë shishen. Për të bërë kontrastin me Gazment Bardhin për të thënë që jam unë interlokutori për këtë gjë të rëndësishme që është Reforma Zgjedhore.

Ka dalë me disa teza të vjetruara, nuk kishte asnjë argument të ri në përdorimin e teknologjisë, në votën e emigrantëve, në listat e hapura që i thonë të gjithë. Paketa e kërkesave ishte si ajo e një partie të vogël që nuk gjen dot komisionerë, nuk gjen dot kush do t’i mbrojë votën prandaj do votimin elektronik 100% se ka pasur deri dje dyshime për këtë.

Të gjitha të formatuara në mënyrë që të fshihej brenda tyre ajo që unë shoh si oferta që i bëri ai fragment i opozitës mazhorancës për t'u konsideruar interlokutor.

Pra i jep një karamele, i propozoi kundër gjithë atyre që thuheshin se në teori duhet të ishte prezantimi i Reformës Zgjedhore, të kishte aspekte zgjedhore që imponon vendimi i Gjykatës Kushtetuese dhe nevoja jote si opozitë që të fitosh.

Çfarë lidhje ka me këtë Presidenti nga populli. Çfarë nevoje është kjo? Unë jam i gatshëm që ato 10 votat e mia t'i jap për të ndryshuar Kushtetutën.

U hodh dhe një tezë tjetër që jemi gati të bëjmë një test tjetër zgjedhor me dy zona, me tri zona ose ndoshta dhe me një zonë të vetme ose një proporcional të pastër.

Çfarë kërkon një mazhorancë që i ka të gjitha nëse vendos të të japë ty atë që kërkon lista të hapura që ti i shet për populizëm, një zonë zgjedhore akoma më të madhe ku ti ato pak votat e tua t'i maksimalizosh në një numër sa më të madh deputetësh, do të kërkojë të vetmen gjë që ka kërkuar në dy reformat e fundit zgjedhore dhe se ka pasur kurrë që është “primi” i maxhorancës.

Sot i ishte hedhur një karamele e rrezikshme mazhorancës për ta mikluar duke thënë më njih mua si interlokutor, përjashto 40 apo më shumë deputetë nga ky ushtrim i përbashkët që duhet të jetë konsensual në parlament që unë të hap rrugën të ndryshojmë Kushtetutën dhe të bëjmë dhe ca gjëra të tjera bashkë.

Shpresoj të jem shumë i gabuar, por unë e shoh si një karamele shumë të rrezikshme, shkojnë në unison. Do ishte një pazar i rrezikshëm që për mbijetësen time si opozitë t'i jap mazhorancës atë që do ta bëjë mbret”, është shprehur Kaso në një intervistë./ CNA

 

Lajmet e fundit nga