web counter
LEXO PA REKLAMA!

SHKARKO APP

App Store
Google Play

E fundit!

x

RAMA NË DY KOHË/ Si ndryshoi qëndrim ndaj SPAK-ut

12 Shkurt 2025, 18:24, Politikë CNA

RAMA NË DY KOHË/ Si ndryshoi qëndrim ndaj SPAK-ut

Vendosja në pranga e Erion Veliajt bëri që kryeministri Edi Rama të ndryshonte kurs dhe nga një mbështetës i SPAK-ut, doli kundër tij duke e sulmuar. Dikur, edhe pse shumë socialistë ranë në rrjetën e hetimeve të SPAK, Rama mbajti linjën e moskomentimit të vendimeve të institucioneve të drejtësisë.


Dikur Rama mbronte SPAK dhe kërkonte të vepronte në pavarësi të plotë. Ai kërkonte që politika të distancohej nga organet e drejtësisë.

“Lëreni SPAK të bëjë punën e vet. 

Nëse detyra e organeve të reja të drejtësisë është të bejnë operacione kirurgjikale, për shkulur tumorin e korrupsionit nga politika, pa ja lejuar vetes as edhe në një operacion, perdorimin e gjilpërës së rrobaqepësit ose thikës së kasapit.

Detyra jonë nuk është detyra e tyre. SPAK dhe GJKKO edhe mund të gabojnë.

Ndërsa në nuk mund të gabojmë.

Kjo është absolutisht e pafalshme”,- thoshte kryesocialisti në 4 shtator 2023.

Por tashmë mbrojtja e pavarësisë së punës së SPAK ka rënë. Kryeministri Edi Rama intimidoi gjyqtarët, duke iu thënë të mos guxojnë t’i kërkojnë telefonin. Në mbledhjen që zhvilloi mëngjesin e së mërkurës me grupin parlamentar, ai pretendonte se institucioneve të reja të drejtësisë duhej t'u vendoset fre, ndërsa vazhdon të nënvizojë se kryebashkiaku Erion Veliaj, është arretsuar pa prova.

Pra brenda një kohe të shkurtër, Rama duket se ka ndryshuar tërësisht qëndrim në qasjen ndaj institucioneve të reja të drejtësisë, duke marrë në mbrojtje Veliajn, e duke sulmuar gjyqtarin e çështjes Erion Banin dhe SPAK./CNA 

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.al)





Lajmet e fundit nga