web counter
LEXO PA REKLAMA!

SHKARKO APP

App Store
Google Play

Rama, asnjë fjalë për arrestimet për inceneratorin e Tiranës/ "Mendjen" e ka te turizmi

11 Dhjetor 2023, 10:53, Politikë CNA
Rama, asnjë fjalë për arrestimet për inceneratorin e
Kryeministri Edi Rama

Kreu i qeverisë shqiptare, Edi Rama, "mendjen" e ka te turizmi. Ai ka reaguar së fundmi për shifrat e turizmit në vend, duke theksuar se 9.54 milionë vizitorë të huaj ka pritur Shqipëria gjatë 2023-shit. 

"9.54 milionë vizitorët e huaj që kemi pritur gjatë këtij viti, 547 mijë turistë të huaj që erdhën në Shqipëri gjatë nëntorit janë prova se vendi po vizitohet në çdo stinë të vitit e në çdo cep të territorit, duke u konfirmuar si një superdestinacion i turizmit gjithëvjetor e të qëndrueshëm", shprehet Rama në një postim në rrjetet sociale.

Mesa duket, kryeministri kërkon të tërheqë vëmendjen nga çështjet me rëndësi, si ajo e hetimeve për inceneratorin e Tiranës, duke bërë postime të ndryshme në rrjetet sociale.

Nga e premtja në darkë, (ku edhe u publikuan 15 urdhër-arrestet për inceneratorët) dhe deri më sot, Rama është shfaqur disa herë në aktivitete të ndryshme, por nuk ka bërë asnjë koment për këto hetime që të fakt kanë tëhequr vëmendjen e të gjithëve.

Të njëjtat veprime ka bërë edhe kreu i Bashkisë së Tiranës, Erion Veliaj. Po kështu edhe Lulzim Basha. 

Nuk dihet nëse do të ketë një deklaratë nga Rama për këto hetime, por deri më tani kërkon që vëmendjen e opinionit publik ta çojë në të tjera tema dhe jo tek afera, e cila tashmë është nën hetim nga SPAK-u.

Nuk kanë munguar as mesazhet nga amerikanët për punën e SPAK-ut për inceneratorët, apo afera të tjera korruptive të qeverisë, por sërish Rama në heshtje. Vazhdon të flasë për reforma, apo arritje të qeverisë së tij. 

Deri kur do të vazhdojë kjo heshtje? Apo do të dëgjojmë shprehjen monotone të kryeministrit kur arrestohen zyrtarë, e cila është: "Janë çështje që i përkasin drejtësisë. Kam besim tek ajo". /CNA





Lajmet e fundit nga