LEXO PA REKLAMA!

SHKARKO APP

E fundit!

x

Policia refuzoi kërkesën për protestën/ Berisha nuk tërhiqet

26 Nëntor 2022, 12:19, Politikë CNA

Policia refuzoi kërkesën për protestën/ Berisha nuk

Kreu i Partisë Demokratike, Sali Berisha, është shprehur se protesta e datës 6 dhjetor do të zhvillohet.

Ndonëse policia e ndaloi zhvillimin e kësaj proteste, me shpjegimin se rruga “Dëshmorët e Kombit” është pjesë e perimetrit të sigurisë së Samitit, Berisha tha se kjo është një vepër e qeverisë që do të ndalojë popullin opozitar për të protestuar.

"Policia e Shtetit njoftoi mbrëmë se nuk e njeh Kushtetutën dhe ligjet e vendit.
Lidhur me këtë njoftim, u rikujtoj këtyre vasalëve të Edi Ramës, se Kushtetuta nuk njeh kufizime për protestat dhe liritë e qytetarëve.
Por krahas kësaj, ka një vendim të Gjykatës Kushtetuese, që vendos se protestuesi nuk ka asnjë detyrim që të njoftojë policinë.
Së treti, policia e shtetit, e Edi Rramës, po e trajton samitin e liderëve të BE-së, sikur këtu po mblidhen diktatorët e botës, në një kohë kur ata që vijnë në Tiranë janë shtetarë të zgjedhur me votën e lirë.
Komisioni Europian, për të qartësuar pozicionin europian, kërkoi që e drejta për protestë të respektohet.
Prandaj ai refuzim është i paqenë. Ai tregon fytyrën e vërtetë të këtij regjimi që është i tmerruar nga populli opozitar që do të mbushë sheshin më datën 6 në orën 12.
Në këtë datë do vërshojnë të gjithë ata që ëndrrën europiane e kanë më të çmuarën për të ardhmen e tyre.
Në datën 6 do të vërshojnë të gjithë ata që shohin vlerat europiane si më të çmuarat.
Do jetë një protestë që nuk është parë ndonjëherë. Do jetë një protestë ku do buçasë në çdo anë thirrja: E duam Shqipërinë si gjithë Europa. Thirrja: Edi Rama dhe narkoshteti nuk përfaqësojnë Shqipërinë, Edi Rama dhunues kryesor i votës së lirë në Europë pas Lukashenkos, Edi Rama, një vasal i verbër i Vuçiçit dhe avokat mjeran i Rusisë së Vogël dhe Putinit.
Kemi kaq motive për të qenë në shesh duke garantuar sigurinë e plotë të miqve tanë, të cilët i përshëndesim dhe e konsiderojmë nderim të madh për kombin shqiptar.
Por Edi Rama nuk përfaqëson votën e lirë, ai përfaqëson narkoshtetin dhe gjithçka që e shndërroi këtë popull në popullin e gomoneve.
Kështu që ne duhet të jemi aty, të gjithë së bashku, dhe do jemi."- tha ai./CNA.al

Lajmet e fundit nga