web counter
LEXO PA REKLAMA!

SHKARKO APP

App Store
Google Play

Pezullimi i fondeve të bujqësisë nga BE-ja/ Ish-kryeministri: Të hetohen edhe projektet e infrastrukturës

19 Korrik 2023, 14:33, Politikë CNA

Pezullimi i fondeve të bujqësisë nga BE-ja/ Ish-kryeministri:

Ish-kryeministri Sali Berisha ka reaguar në lidhje me pezullimin e fondeve të BE-së për bujqësinë në vendin tonë, pas dyshimeve për korrupsion dhe keqpërdorimit të këtyre fondeve.

Në një konferencë për shtyp Berisha deklaroi se fondet e BE-së janë shpërdoruar nga kleptokratë të taksapaguesve.

“Sot njoftohet se Komisioni Evropian pezulloi për shkak të korrupsionit, fondet për bujqësinë shqiptare.

Për shkak të vjedhjes dhe shpërdorimit nga kleptokratë të parave të BE-së që janë jetike për bujqësinë shqiptare.

Por këto para shpërdorohen dhe vidhen nga agjencitë qeveritare shqiptare.

Ndaj na del edhe Akademia e Çobanëve tani dhe Materniteti i Mushkave.

Por nuk është vetëm kjo vjedhje, unë i bëj thirrje Komisionit Evropian, në interesin më të mirë të shqiptarëve, por edhe të taksapaguesve europianë, të hetojnë çdo projekt në infrastrukturë në Shqipëri dhe janë jo të pakta. KE ka financime të mëdha. Bajpasi i Vlorë është krejtësisht vepër e tyre dhe shume projekte të tjera. Se këta nuk vënë asnjë tabelë si mirënjohje, aty vihet tabela Salillari.

Pra, është një lajm i mirë ky, optimist për shqiptarët, sepse institucioni hetimor i BE-së veproi dhe vendosi.

Është e rëndësishme shumë që të dalë në pah i gjithë korrupsioni shqiptar në përmasat e tij”, tha Berisha./ CNA





Lajmet e fundit nga