web counter
LEXO PA REKLAMA!

SHKARKO APP

App Store
Google Play

BE pezullon fondet për bujqësinë në Shqipëri/ Shkak, korrupsioni

19 Korrik 2023, 13:27, Politikë CNA

BE pezullon fondet për bujqësinë në Shqipëri/ Shkak,

Delegacioni i BE-së në Shqipëri ka deklaruar se Komisioni Evropian ka pezulluar rimbursimet ndaj autoriteteve shqiptare për shpenzimet e kryera në kuadër të programit IPARD II.

Kjo masë vjen si rrjedhojë e hetimeve për korrupsion në lidhje me zbatimin e programit IPARD II në Shqipëri.

"Komisioni Evropian ka informuar qeverinë shqiptare se ka marrë masa paraprake bazuar në informacionin fillestar të dhënë nga Zyra Evropiane Kundër Mashtrimit [OLAF], pas një hetimi mbi akuzat për korrupsion në lidhje me zbatimin e programit IPARD II.

Si masë parandaluese për mbrojtjen e interesave financiare të Bashkimit Europian, Komisioni Europian ka ndërprerë përkohësisht rimbursimet ndaj autoriteteve shqiptare për shpenzimet e kryera në kuadër të programit IPARD II.

Komisioni Evropian nuk mund të komentojë mbi asnjë gjetje të mundshme të OLAF-it për zbatimin e programit IPARD II (2014-2020) në Shqipëri. Hetimi i OLAF-it vazhdon.

Kur OLAF të dorëzojë raportin përfundimtar, Komisioni Evropian do të informojë autoritetet shqiptare dhe, bazuar në gjetjet e raportit, do të marrë çdo masë të mëtejshme të nevojshme për të mbrojtur interesat financiare të Bashkimit Evropian." - njofton delegacioni i BE-së./ CNA





Lajmet e fundit nga