web counter
LEXO PA REKLAMA!

SHKARKO APP

App Store
Google Play

Rama zbardh detaje/ Çfarë diskutoi me liderët e rajonit në drekën informale

17 Korrik 2023, 17:18, Politikë CNA

Rama zbardh detaje/ Çfarë diskutoi me liderët e rajonit në

Kryeministri Edi Rama zhvilloi një konferencë për mediat, pas takimit të sotëm me liderët e Ballkanit Perëndimor, i cili u mbajt në Tiranë.

Rama tha se takimi i sotëm kishte synim hedhjen e një hapi të rëndësishëm me raportet me BE-në.

Ai deklaroi se për Ballkanin Perëndimor po përgatitet një plan i ri i mbështetjes financiare dhe ekonomike të BE-së.

"Njoftoj për t’iu informuar se Shqipëria do të mirëpresë samitin e parë të Procesit të Berlinit jashtë BE në tetor dhe për këtë ne u angazhuam me kancelarinë në Gjermani, por edhe me aktorë të tjerë në mënyrë që ky samit të shërbejë për të hedhur një hap të rëndësishëm më tutje në raport me ato që Ballkani Perëndimor ka në bazën e vet.

Lehtësimet e vazhdueshme në ndërveprimin mes vendeve të Ballkanit Perëndimor, por edhe për të hedhur një hap të rëndësishme me raportet tona me BE. E për këtë të dytën ne ishim sot në Tiranë edhe me Varhelyin. Dhe, për këtë diskutuam. Prej sa kohësh ne jemi në një përpjekje për të nxitur një mënyrë të re të të parit të gjërave në raport me Ballkanin Perëndimor në aspektin e hendekut që ekziston mes nesh dhe vendeve anëtare. Duke marrë parasysh jo vetëm këtë pasojë dhe kontekstin e përgjithshëm dhe të gjitha sfidat që janë sot të përbashkëta. Ne jemi përpjekur që, të krijojmë një tjetër qasje. Që do të thotë, paralelisht me procesin e negociatave, të kemi një mbështetje ekstra financiare dhe ekonomike për vendet e Ballkanit Perëndimor", theksoi kreu i qeverisë./ CNA.al





Lajmet e fundit nga