web counter
LEXO PA REKLAMA!

SHKARKO APP

App Store
Google Play

Lulzim Basha kërkon referendum pas kafes në Pogradec

16 Korrik 2023, 20:16, Politikë CNA

Lulzim Basha kërkon referendum pas kafes në PogradecLulzim Basha, gjatë turit të tij të kafeve nëpër Shqipëri, ka kërkuar referendum. Luli tha se është koha që t’i jepet fuqi votës dhe zërit të qytetarëve përmes listave të hapura, vetting-ut në politikë, kufizimit të mandateve e votës së diasporës, duke rufitur kafen e tij buzë liqenit të Pogradecit ku po kalon disa ditë pushime.


Në vijim të kafeve të tij, Basha thotë se për t’i bërë të mundura këto ndryshime, duhet referendum.

“Sot është koha t’i japim fuqi votës dhe zërit të qytetarëve përmes listave të hapura, vetting-ut në politikë, kufizimit të mandateve e votës së diasporës. Për këtë ne duhet të bëjmë gjithçka mundemi, bashkë me çdo shqiptar, të majtë e të djathtë, për të bërë të mundur këto ndryshime, duke kërkuar edhe referendum.

Sot është e qartë. Ata që duan monopol mbi politikën, median, ekonominë dhe duan që Shqipëria të mbetet në duart e tyre, janë kundër vetting-ut, janë kundër llogaridhënies për pasuritë e tyre dhe lidhjet me krimin, që përdorin në çdo palë zgjedhje", tha Luli gjatë kafes dhe shëtitjes së tij në Pogradec.

Lulzim Basha ka gjetur një mënyrë të veçantë për të kaluar pushimet e verës sa në mal e sa ne det. Gjatë pushimeve i fut një kafe dhe e quan takim elektoral./ CNA





Lajmet e fundit nga