web counter
LEXO PA REKLAMA!

SHKARKO APP

App Store
Google Play

Nisin punimet për "Korridorin 8"/ Balluku: Dalja nuk do të jetë Qafë-Thana, por një pikë më e afërt

3 Prill 2023, 14:06, Politikë CNA

Nisin punimet për "Korridorin 8"/ Balluku: Dalja nuk do të

Ministrja e Infrastrukturës dhe Energjisë, njëherësh dhe zëvendësekryeministre, Belinda Balluku, ka njoftuar se kanë nisur punimet për "Korridorin e 8".

Gjatë fjalës së saj në Këshillin Kombëtar të Integrimin Europian, Balluku theksoi nuk do të jetë pika kufitare e Qafë-Thanës dalja në Maqedoni, por do të jetë një pikë tjetër më e afërt, e cila do të lidhet me anë të një tuneli.

“Pikën primare që ka qëllim qeveria është ndërtimi dhe lidhja e transportit dhe energjisë elektrike, e cila sjell një rritje ekonomike. 'Korridori blu' dhe 'Korridori i 8-të' janë dy rrugët më të rëndësishme. Ato do të sjellin përmirësim të ndërlidhjes dhe standardet e qarkullimit duke përmendur sigurinë rrugore, rritjen e shkëmbimit të mallrave. Ai është një koridor aksesi, pasi lidh Detin Mesdhe me Detin e Zi duke krijur kështu një korridor të sigurisë së lartë. Kemi nisur lotin e parë të korridorit të 8-të, 'Elbasan-Qafë Thanë', por dalja nuk do jetë Qafë-Thana, por do të jetë një pikë më e afërt. Zv.kryeministri i Maqedonisë së Veriut bën inaugurimin e parë të 'Korridorit 8'. Nesër vihet guri i parë, jo vetëm nga Shqipëria, por dhe nga Maqedonia. Do ketë një pikë dalje të re, e cila do të lidhet me anë të një tuneli. Me anë të kësaj ne nuk do të ndjejmë më largesë. Për Shqipërinë kjo është një vlerë e shtuar për transportin”, u shpreh Balluku./CNA





Lajmet e fundit nga