LEXO PA REKLAMA!

SHKARKO APP

E fundit!

x

Meta zotohet nga Berati/ "Do t’i kthejmë qytetarëve transparencën e munguar"

2 Prill 2023, 18:02, Politikë CNA

Meta zotohet nga Berati/ "Do t’i kthejmë qytetarëve

Kryetari i Partisë së Lirisë, Ilir Meta ka zhvilluar një takim në qytetin e Beratit ku dhe është shprehur se do t’i kthejë qytetarëve transparencën e munguar në drejtimin e kësaj bashkie.

Gjatë fjalës së tij, Meta u shpreh se Partia Socialiste rrit taksat dhe nuk jep llogari se ku shkojnë paratë e marra nga banorët.

Kreu i PL theksoi gjithashtu se me me votën e qytetarëve të Beratit për kandidatin e bashkisë, Zija Ismailin e koalicionit “Bashkë Fitojmë”, do të kthehet fryma e gjithëpërfshirjes së qytetarëve.

“I lumtur që jam këtu për të shprehur mbështetjen më të vendosur e të plotë për doktor Zijain, ta falenderojmë që i ka hyrë kësaj sfide jo të lehtë, por që është detyrë e të gjithëve ju dhe ne që e duam Beratin e duam ta mbrojmë.

Të shohësh sot një mostër betoni që ka deformuar komplet urbanistikën e arkitekturën e këtij qytet, është më shumë se sa një krim.

Por kjo nuk ka ndodhur vetëm në Berat. Mostra betoni ka edhe në Durrës, teatri i shembur në Tiranë. Sepse për fat të keq Rilindja nuk ka asnjë ndjeshmëri për historinë e traditën. Rilindja ndjen kënaqësi kur mbi vlerat zhvillon korrupsionin e vet katastrofik. Të gjithë e dinë që me fondin amerikan u bë një investim që u hodh në lumë e mbi të po bëhet një ndërtim tjetër pa pyetur askënd. Besoj shumë se ne do t’i kthejmë Beratit transparencën e munguar në drejtimin e bashkisë, frymën e gjithë përfshirjes që qytetarët ta ndjejnë që bashkia është e tyre dhe që është aty për tu shërbyer.

 Janë rritur 50-100 përqind taksat dhe shërbimet në shumë raste nuk ekzistojnë fare. Rritet taksa e pastrimit po mbeturinat nuk i tërheq askush, rritet taksa e ndriçimit por nuk vihet një llampë. Kjo vjen nga arroganca. Rilindja injoroi qytetarinë beratase, ekspertët, profesionistët dhe jam i sigurt që kjo do të marrë fund me votën e banorëve të Beratit për doktor Zijain dhe koalicionin tonë. Kjo është filozofia e tyre edhe në nivel lokal edhe qendror: Rrisin taksat e nuk japin llogari”, u shpreh Meta./CNA

Lajmet e fundit nga