web counter
LEXO PA REKLAMA!

SHKARKO APP

App Store
Google Play

Berisha: Rama dhe Agaçi shkelmuan strategjinë 4 milionë euro të KE-së për trajtimin e mbetjeve

3 Prill 2023, 13:01, Politikë CNA
Berisha: Rama dhe Agaçi shkelmuan strategjinë 4 milionë euro
Ish-kryeministri Sali Berisha

Ish-kryeministri Sali Berisha ka denoncuar sot në media se kryeministri Edi Rama dhe Sekretari i Përgjithshëm i Këshillit të Ministrave, Ëngjëll Agaçi, ishin personat që shkelmuan strategjinë e KE-së për trajtimin e mbetjeve, për të cilën u shpenzuan 4 milionë euro.

Ai theksoi se kjo është një shkelje flagrante, ndërsa nënvizon se ky fakt është injoruar totalisht nga Prokuroria e Posaçme.

“Unë sot këtu dua të shtroj disa pyetje për shqiptarët. Kush është personi, i cili shkelmoi strategjinë e hartuar me financimin e KE-së për trajtimin e mbetjeve për të cilin u shpenzuan 4 milionë euro, dhe e hodhën në kosh atë? Askush nuk mund ta bënte një gjë të tillë, përveç kryeministrit të Shqipërisë, i cili për krijimin e sipërmarrjes së djegësve, shkelmoi dhe hodhi në kosh strategjinë e trajtimit të mbetjeve, e trajtuar nga KE.

Cili autoritet mund të hidhte në kosh shkresat zyrtare të agjencisë publike të prokurimeve të firmosura nga drejtori, Edmond Ahmeti, se kontrata me negociata të mbyllura është antiligjore, dhe se nuk ekziston në legjislacionin e Shqipërisë. Një akt të tillë kriminal ka kryer Edi Rama dhe Engjëll Agaçi. Askush tjetër nuk mund të bënte një shkelje të tillë, por edhe kjo mbrohet dhe injorohet nga SKAP-i i partisë.

Cili është personi që kaloi 17 procedura në 24 orë, në mënyrë të rrufeshme, për inceneratorin e Elbasanit. Arben Ahmetaj thotë që: unë nuk mund ta lëvizja qeverinë. E vërteta është që qeverinë mund ta lëvizë vetëm një njeri, dhe ky quhet Edi Rama.

Ndaj edhe Dumani nuk i gjen dot pronarët fundorë të inceneratorit të Tiranës”, është shprehur Berisha./ CNA.al





Lajmet e fundit nga