web counter
LEXO PA REKLAMA!

SHKARKO APP

App Store
Google Play

Ndihma për fshatin dhe fermerët/ Berisha: Brenda vitit të parë do rrisim me 5 herë subvencionet

16 Prill 2025, 18:29, Politikë CNA

Ndihma për fshatin dhe fermerët/ Berisha: Brenda vitit të

Kreu i Partisë Demokratike, Sali Berisha zhvilloi këtë të mërkurë një bashkëbisedim me banorët e njësisë administrative të njësisë 15 në Tiranë. Gjatë këtij takimi, Berisha vuri theksin te programi i qeverisjes së ‘PD-Shqipëria Madhështore’.

Në fjalën e tij, Berisha u ndal te rëndësia dhe roli i vendosjes e funksionimit të një sistemi subvencionesh, për bagëtinë dhe fidanët.

Berisha u shpreh se në vitin e parë të qeverisjes, PD do rrisë me 5 herë subvencionet për fermerët.

Berisha tha se nuk ka vend më të mirë për t’iu përkushtuar bujqësisë sesa fshatrat e vendit.

 “Vendosëm një sistem subvencionesh dhe ju jeni dëshmitarë që u subvencionuan ullinjtë, prodhimi, bagëtitë, lopët e me radhë. Të gjitha këto në tërësi u hoqën. Është e paimagjinueshme se kudo që shkoj, fshatarët më thonë se, në zonën tonë nuk është shtruar një kilometër rrugë.

Subvencionet. Çdo shtet, absolutisht çdo shtet subvencionon fermerin, i jep para në dorë për atë që mbjell, që korr, për bagëtinë që mbarështron, për fidanët që mbjell.

Dhe asnjë shtet nuk humbet nga kjo. Jo. Ato kthehen në prodhim, mirëqenie, kthehen për familjet, për shoqërinë.

Ky subvencionin vetëm që bëri, hapi kufijtë për Serbinë me ‘Ballkanin e Hapur’ se tha pret kamioni aq e kaq, marrëzira dmth. Dhe mallrat e Shumadisë, prodhimet e Banatës, që kanë të paktën 8 herë më shumë subvencione se Shqipëria, vërshojnë në Shqipëri.

Natyrisht fermeri shqiptar me një fermer që subvencionohet 8 herë më shumë, cilido qoftë ai, nuk ja del ta përballojë. I del me çmim shumë më të lartë.

Bëri dhe tjetrën. Grumbulluesve ju vuri TVSH asimetrike në mënyrë që ata të blinin prodhimet e importuara dhe jo të vendit.

Dhe tani, këto bënin që mijëra kuintal e tonelata mallra vendi të kalben dhe fermeri të mos mbjellë më, të iki, të largohen, të falimentojë.

Me mijëra ferma, më mijëra sera. Prodhimi bujqësor ka rënë.

Çfarë do bëjmë ne?

Ne vitin e parë jemi këtu, ua jap fjalën që subvencionin për ju do ta ngremë në nivelin e Maqedonisë, Kosovë, Mal i Zi dhe Serbisë, nivel që është 5 herë më i madh se ky sot.

Do subvencionojmë çdo fidan që mbillni. Do subvencionojmë çdo lopë, dele, apo dhi. Do subvencionojmë çdo njësi prodhimi që merrni nga toka juaj.

Taksa për grumbulluesit merr fund, do jetë simetrike si në shitje dhe blerje, çka do thotë ju do merrni mbrapsh TVSH e shitjes dhe nuk do e marrin grosistët.

Do e merrni ju se është e juaja. Është pra një sistem krejt tjetër ky. Për ne nuk ka Shqipëri të zhvilluar pa fshat të zhvilluar.

Nuk ka Shqipëri të zhvilluar me fshat të braktisur. Nuk ka tokë më pjellore se sa toka e Shqipërisë, është nga më të mirat që ekziston. Të tjerët e kthejnë shkretëtirën në tokë pjellore. Këta tokën pjellore e kthejnë në shkretëtirë. Kjo është e vërteta”,-tha Berisha./CNA





Lajmet e fundit nga